Powerful Storm : 40 అడుగుల రాకాసి అలలు.. 10 మందిని ఈడ్చుకెళ్లాయి

Powerful Storm : దాదాపు 20 నుంచి 40 అడుగుల ఎత్తున్న రాకాసి అలలు 10 మందిని సముద్రంలోకి ఈడ్చుకెళ్లాయి. చివరకు ఎంతో కష్టపడి వారిని రెస్క్యూ టీమ్ రక్షించింది. రాకాసి అలలను చూసి పర్యాటకులు భయంతో ఒక్కసారిగా పరుగులు తీశారు. దీంతో 8 మందికి గాయాలయ్యాయి. ఈ ఘటన అమెరికాలోని కాలిఫోర్నియా తీర ప్రాంతం వెంచురాలో చోటుచేసుకుంది. అక్కడ ఇప్పుడు సముద్రపు అలలు పెద్ద ఎత్తున ఎగసిపడుతున్నాయి. బీచ్‌లో కొత్త సంవత్సరం వేడుకలు చేసుకునేందుకు వెళ్లిన వారిపైకి రాకాసి అలలు విరుచుకుపడుతున్నాయి. దీంతో పర్యాటకులు, పరిసర ప్రాంత ప్రజలు భయాందోళనకు గురవుతున్నారు. భారీ అలల ప్రభావంతో కాలిఫోర్నియా రాష్ట్రంలో చాలా తీర ప్రాంతాలను మూసివేశారు. ప్రజలు సముంద్ర తీరం వైపు వెళ్లకుండా హెచ్చరికలు జారీ చేస్తున్నారు. ఉరుములు, మెరుపులతో పసిఫిక్‌ మహా సముద్రం అలజడిగా మారడం వల్లే ఈవిధంగా భారీ అలలు(Powerful Storm) వస్తున్నాయని గుర్తించారు.

https://twitter.com/eldoobie/status/1740543417409786175?ref_src=twsrc%5Etfw%7Ctwcamp%5Etweetembed%7Ctwterm%5E1740543417409786175%7Ctwgr%5Eda4d9d417fc85e807cba12fb455731d1bc83d509%7Ctwcon%5Es1_&ref_url=https%3A%2F%2Fwww.sakshi.com%2Ftelugu-news%2Finternational%2Fhuge-wave-lashes-california-shores-1899447