Spy Pigeon : పావురం అరెస్ట్.. 8 నెలల తర్వాత విడుదల.. ఎందుకు ?

Spy Pigeon : చైనా కోసం గూఢచర్యం చేసేందుకు  ఇండియాకు వచ్చిందనే అభియోగాలతో  అరెస్టయిన పావురం ఎట్టకేలకు రిలీజ్ అయింది. దాదాపు 8 నెలల తర్వాత ఈ పావురం బోను నుంచి స్వేచ్ఛను పొందింది. ఈ వివరాలను ముంబైలోని పరేల్ ప్రాంతంలో ఉన్న  బాయ్ సాకార్ బాయ్ దిన్షా పెటిట్ హాస్పిటల్ వెల్లడించింది. వివరాల్లోకి వెళితే..  గతేడాది మేలో ముంబైలోని చెంబూరు పీర్ పావు జెట్టీ దగ్గర రాష్ట్రీయ కెమికల్స్ అండ్ ఫెర్టిలైజర్స్ (ఆర్సీఎఫ్) పోలీసులు అనుమానాస్పదంగా కనిపించిన ఈ పావురాన్ని పట్టుకున్నారు. దీనికి  రెండు ఉంగరాలు తగిలించి ఉండటంతో అనుమానం వచ్చి పట్టేశారు. రాగి, అల్యూమినియం రంగు రింగ్స్ ఈ పావురం(Spy Pigeon )కాలికి కట్టి ఉన్నాయని దర్యాప్తులో వెల్లడైంది.

We’re now on WhatsApp. Click to Join

పావురం రెక్కల కింది భాగంలో చైనీస్ లో సందేశం రాసి ఉందని పోలీసులు కూడా గుర్తించారు. దీంతో ఈ పావురంపై అప్పట్లో ఆర్సీఎఫ్ పోలీసులు కేసు నమోదు చేశారు. తాజాగా దీనిపై విచారణ పూర్తయింది. క్లీన్ చిట్ లభించడంతో పావురంపై నమోదు చేసిన  గూఢచర్యం కేసును ఎత్తేశారు.  కేసు దర్యాప్తులో ఈ పావురం చైనాది కాదని..  తైవాన్ కు చెందినదని తేలింది.  ఆ పావురం తైవాన్‌లో ఉండగా వాటర్ రేసింగ్ పోటీల్లో వాడేవారని నిర్ధారణ అయింది. తైవాన్‌లో జరిగిన వాటర్ రేసింగ్ పోటీల సందర్భంగానే ఈ పావురం తప్పిపోయి సరిహద్దు దాటి భారత్‌కు వచ్చేసిందని గుర్తించారు. ఈ పావురాన్ని విడుదల చేయడానికి పోలీసులు “నో ఆబ్జెక్షన్” సర్టిఫికెట్ కూడా జారీ చేశారు. ప్రస్తుతం  ఈ పావురం పరిస్థితి బాగానే ఉందని అంటున్నారు.

Also Read :Coconut Semiya Payasam: ఎంతో టేస్టీగా ఉండే కొబ్బరి సేమియా పాయసం.. సింపుల్గా ఇంట్లోనే చేసుకోండిలా?

చెక్ బౌన్స్‌ కేసులో మాజీ క్రికెటర్ అరెస్ట్