KGF 3 Update : కేజీఎఫ్ 3 షూటింగ్ షురూ.. ఎప్పుడంటే ?
ఇప్పుడు సినీ అభిమానులంతా "కేజీఎఫ్ 3" (KGF 3 Update) మూవీ కోసం ఉత్కంఠగా ఎదురుచూస్తున్నారు.
- By Pasha Published Date - 09:53 AM, Sun - 21 May 23
ఇప్పుడు సినీ అభిమానులంతా “కేజీఎఫ్ 3” (KGF 3 Update) మూవీ కోసం ఉత్కంఠగా ఎదురుచూస్తున్నారు. KGF, KGF 2 గ్రాండ్ సక్సెస్ తర్వాత అభిమానులకు KGF 3 పై అంచనాలు పెరిగాయి. అందులో ఎలాంటి ఇంట్రెస్టింగ్ స్టోరీ ఉంటుందోననే ఆసక్తి నెలకొంది. ఇంకా KGF 3 షూటింగ్ (KGF 3 Update) కూడా మొదలుకాలేదు. ఈనేపథ్యంలో ఇప్పుడు ఈ సినిమా షూటింగ్ ను స్టార్ట్ చేస్తారనే దానిపై హాట్ డిస్కషన్ జరుగుతోంది. అయితే అనుకున్నంత త్వరగా సినిమా షూటింగ్ మొదలు కాకపోవచ్చని చెబుతున్నారు. ఎందుకంటే KGF, KGF 2 మూవీస్ డైరెక్టర్ ప్రశాంత్ నీల్ ఇప్పుడు బిజీగా ఉన్నారు. ఇంకో ఏడాది పాటు కూడా ఆయన బిజీగానే ఉండనున్నారు. ఆయన ఫ్రీ అయ్యాకే 2025 సంవత్సరంలోనే KGF 3 షూటింగ్ మొదలయ్యే ఛాన్స్ ఉంటుంది.
ప్రశాంత్ నీల్ ను ప్రస్తుతం బిజీగా మార్చిన సినిమాల విషయానికి వస్తే.. ఆయన ఇటీవల ప్రభాస్ మూవీ ‘సాలార్’ షూటింగ్ పూర్తి చేశారు. ఈ సినిమాలో ప్రభాస్‌తో పాటు పృథ్వీరాజ్ సుకుమారన్, శృతి హాసన్ కూడా నటిస్తున్నారు. ఈ మూవీ సెప్టెంబర్ 28న రిలీజ్ కానుంది. ఆ తర్వాత కూడా ప్రశాంత్ నీల్ ఖాళీగా ఉండరు. ఎందుకంటే “ఎన్టీఆర్‌ 31” మూవీకి
ఆయన డైరెక్టర్ గా వ్యవహరించనున్నారు. ఈ సినిమా షూటింగ్ 2024 మార్చిలో ప్రారంభం కానుందని సమాచారం. 2024 చివరికల్లా “ఎన్టీఆర్‌ 31” సినిమా షూటింగ్ పూర్తవుతుంది. 2025లో ఈ మూవీ విడుదల అవుతుంది. ఆ తర్వాతే ప్రశాంత్ నీల్ .. KGF 3 స్టోరీపై , షూటింగ్ పై వర్క్ అవుట్ స్టార్ట్ చేసే అవకాశం ఉంటుంది.
Follow us
