Viral Video: పిల్లి తింగరి చేష్టలు.. ఓనర్ రియాక్షన్.. వైరల్ గా మారిన వీడియో!
సోషల్ మీడియాలో నిత్యం ఎన్నో రకాల వీడియోలు ఫోటోలు,పోస్ట్ లు తెగ వైరల్ అవుతూ ఉంటాయి.
- By Anshu Published Date - 06:15 PM, Tue - 5 July 22
సోషల్ మీడియాలో నిత్యం ఎన్నో రకాల వీడియోలు ఫోటోలు,పోస్ట్ లు తెగ వైరల్ అవుతూ ఉంటాయి. అయితే వీటిలో కొన్ని చూడటానికి ఫన్నీగా ఉంటే, మరికొన్ని బాధాకరంగా కూడా ఉంటాయి. అలాంటి వాటిలో కొన్ని వీడియోలు మాత్రం జనాల దృష్టిలో ఆకర్షిస్తుంటాయి.అలాగే ఇంకొన్ని వీడియోలు ఎలా ఉంటాయి అంటే అవి చూసిన తర్వాత ఆ పక్కవారికి కూడా షేర్ చేద్దామా అనిపించేంతలా ఆ వీడియో జనాల దృష్టిని ఆకర్షిస్తుంది. ఇలాంటి వందల వీడియోలు తరచూ సోషల్ మీడియాలో వైరల్ అవుతుంది. అలాంటి వీడియోలలో కొన్ని జంతువులకు సంబంధించిన వీడియోలు అయితే కడుపుబ్బా నవ్వించే విధంగా ఉంటాయి.
తాజాగా అలాంటి వీడియో ఒకటి సోషల్ మీడియాలో తెగ చెక్కర్లు కొడుతోంది. ఆ వీడియోని చూసిన కడుపుబ్బా నవ్వడమే కాకుండా ఆ వీడియోని షేర్ చేస్తూ కామెంట్ చేస్తున్నారు. ఇంతకీ ఆ వీడియోలో ఏముందంటే.. ఒక పిల్లి చిన్న ఇయర్ డ్రాప్స్ కి సంబంధించిన బాటిల్ ను టేబుల్ పై నుంచి కిందకు తోసేస్తూ ఉండగా ఇంతలో అది చూసిన యజమాని పెద్దగా శబ్దం చేయడంతో ఆ పిల్లి కొంచెం పక్కకి వెళ్లి ఆ యజమాని వైపు చూస్తుంది. అప్పుడు ఆ యజమాని సేమ్ అలాంటి డ్రాప్స్ ఉన్న బాటిల్ ని తీసుకొని,ఒక బొమ్మ ఆ డ్రాప్స్ బాటిల్ ను కింద ఆ బొమ్మని కింద పడేసే విధంగా చేసి తర్వాత ఆ బొమ్మను చేతులతో కొట్టి బొమ్మను విసిరేసి సేమ్ నీకు కూడా ఇలాగే జరుగుతుంది అన్నట్టుగా ఆ పిల్లికి చూపిస్తాడు.
Awwwww love you baby! ❤️🤣🤣pic.twitter.com/9l9jKRWUXQ
— Figen (@TheFigen) July 3, 2022
వెంటనే అతను చెప్పిన దాన్ని అర్థం చేసుకున్న ఆ తెలివైన పిల్లి ఇయర్ డ్రాప్స్ బాటిల్ ను కింద పడిపోకుండా మధ్యలోకి జరిపి ఏమీ తెలియనట్టుగా అటువైపు కూర్చొని అతని వైపు అమాయకంగా చూస్తుంది. అయితే ఆ వీడియోలో పిల్లి ఇచ్చిన ఎక్స్ప్రెషన్స్ మాత్రం నెటిజన్స్ కి నవ్వులు తెప్పిస్తోంది. ఆ వీడియోని చూసిన ప్రతి ఒక్కరూ నవ్వుతున్న ఎమోజీలను షేర్ చేస్తున్నారు. మొత్తానికి ఆ వీడియో మాత్రం సోషల్ మీడియాలో తెగ చెక్కర్లు కొడుతోంది.
