Salman Meets CM Revanth : సీఎం రేవంత్ తో సల్మాన్ ఖాన్ భేటీ

Salman Revanth

తెలంగాణ సీఎం రేవంత్ రెడ్డి, బాలీవుడ్ సూపర్ స్టార్ సల్మాన్ ఖాన్ భేటీ ఇప్పుడు రాజకీయ, సినీ వర్గాల్లో చర్చనీయాంశంగా మారింది. కేంద్ర మాజీ మంత్రి సుశీల్ కుమార్ శిండే మనవరాలి వివాహ కార్యక్రమం నిమిత్తం సీఎం రేవంత్ నిన్న ముంబై పర్యటనకు వెళ్లారు. ఆ సందర్భంగా సల్మాన్ ఖాన్ ఆయనను ప్రత్యేకంగా కలుసుకున్నారు. ఇద్దరి మధ్య సుమారు అరగంట పాటు సమావేశం జరిగినట్లు సమాచారం. ఈ సమావేశంలో తెలంగాణ రాష్ట్ర అభివృద్ధి, సినీ రంగం ప్రోత్సాహం, పర్యాటక అవకాశాలు వంటి అంశాలపై చర్చ జరిగినట్లు తెలుస్తోంది. ముఖ్యంగా తెలంగాణలో ఫిల్మ్ సిటీ ఏర్పాటుకు సంబంధించి సల్మాన్ ఆసక్తి చూపినట్లు సర్కిల్‌ల సమాచారం.

Jemimah Rodrigues: భార‌త్‌ను ఫైన‌ల్స్‌కు చేర్చిన జెమీమా రోడ్రిగ్స్!

సీఎం రేవంత్ రెడ్డి ఇటీవల ప్రకటించిన తెలంగాణ రైజింగ్ (Telangana Rising) నినాదాన్ని ప్రపంచవ్యాప్తంగా ప్రచారం చేయాలన్న ప్రభుత్వ ప్రణాళికలో భాగంగా, ప్రముఖ వ్యక్తులను ఈ కార్యక్రమంలో భాగం చేసేందుకు ప్రయత్నాలు జరుగుతున్నాయి. ఈ నేపథ్యంలో సల్మాన్ ఖాన్‌తో జరిగిన ఈ సమావేశం ప్రాధాన్యత సంతరించుకుంది. తెలంగాణలో పర్యాటక, సినీ, సాంస్కృతిక రంగాల అభివృద్ధి కోసం ప్రభుత్వం పెద్ద ఎత్తున పెట్టుబడులు ఆకర్షించాలని లక్ష్యంగా పెట్టుకుంది. అందులో భాగంగా హైదరాబాదు మాత్రమే కాకుండా, వరంగల్, ఖమ్మం, నిజామాబాద్ వంటి నగరాలను కూడా సాంస్కృతిక కేంద్రాలుగా తీర్చిదిద్దే ప్రణాళికను రేవంత్ వివరించినట్లు తెలిసింది.

సల్మాన్ ఖాన్ కూడా తెలంగాణ ప్రభుత్వం చేపడుతున్న కార్యక్రమాలకు తన స్థాయిలో సహకరిస్తానని హామీ ఇచ్చినట్లు సమాచారం. ముఖ్యంగా “తెలంగాణ రైజింగ్” నినాదాన్ని గ్లోబల్ స్థాయిలో ప్రమోట్ చేయడానికి తన సోషల్ మీడియా ప్లాట్‌ఫారమ్‌లను వినియోగిస్తానని సల్మాన్ వెల్లడించినట్లు తెలుస్తోంది. సినీ రంగం, పర్యాటకం, సాంస్కృతిక వారసత్వం అనే మూడు రంగాలు కలిస్తే తెలంగాణకు అంతర్జాతీయ గుర్తింపు వస్తుందని ఆయన అభిప్రాయపడ్డారు. రాబోయే రోజుల్లో హైదరాబాదులో సల్మాన్ ఖాన్‌ పాల్గొనే ప్రత్యేక ప్రచార కార్యక్రమం నిర్వహించే అవకాశముందని సమాచారం. ఈ భేటీ తెలంగాణను అంతర్జాతీయ స్థాయికి తీసుకెళ్లే దిశగా ముఖ్యమైన అడుగుగా రాజకీయ విశ్లేషకులు అభిప్రాయపడుతున్నారు.

Follow us