Gadala Politics : ఉద్యోగానికి గడల రాజీనామా.. కాంగ్రెస్ లోక్‌సభ టికెట్‌కు అప్లై చేశానని వెల్లడి
Gadala Politics : తెలంగాణ మాజీ హెల్త్ డైరెక్టర్ గడల శ్రీనివాస్ ఉద్యోగానికి రాజీనామా చేశారు.
- By Pasha Published Date - 10:24 PM, Sun - 4 February 24
Gadala Politics : తెలంగాణ మాజీ హెల్త్ డైరెక్టర్ గడల శ్రీనివాస్ ఉద్యోగానికి రాజీనామా చేశారు. ప్రజా జీవితంలోకి రావాలని నిర్ణయించుకున్నట్లు ఆయన వెల్లడించారు. ఇప్పటికే జీఎస్ఆర్ ఛారిటబుల్ ట్రస్ట్ ద్వారా కొత్తగూడెంలో పలు సామాజిక సేవలు చేస్తున్నట్టు చెప్పుకొచ్చారు. తాను ప్రజాక్షేత్రంలో ఉండాలని అనుకుంటున్నానని.. అందులోనూ తన మొదటి సేవ తన కులానికే చేస్తానని బహిరంగంగానే ప్రకటించారు. 25 ఏళ్ల ఉద్యోగ జీవితానికి ఇక వీడ్కోలు చెప్పానన్నారు.
We’re now on WhatsApp. Click to Join
ప్రజాస్వామిక వాతావరణం ఉన్న పార్టీ కేవలం కాంగ్రెసేనని గడల శ్రీనివాస్(Gadala Politics) కీలక వ్యాఖ్యలు చేశారు. ఖమ్మం, సికింద్రాబాద్‌లలో ఏదైనా ఒక చోటు నుంచి ఎంపీ స్థానానికి పోటీ చేసేందుకు కాంగ్రెస్ పార్టీ అభ్యర్థిత్వం కోసం దరఖాస్తు చేసుకున్నట్లు గడల తెలిపారు. ఎన్నికల్లో పోటీ చేసేందుకు తనకు అన్ని అర్హతలు ఉన్నాయని కాంగ్రెస్ పార్టీ నమ్ముతుందని అనుకుంటున్నట్టు చెప్పుకొచ్చారు.
