KCR Health: కర్ర సాయంతో కేసీఆర్..కార్యకర్తల్లో ఆందోళన

Kcr Stick

బీఆర్‌ఎస్ అధినేత, తెలంగాణ మాజీ ముఖ్యమంత్రి కల్వకుంట్ల చంద్రశేఖర్ రావు (కేసీఆర్) ఆరోగ్య పరిస్థితి చూసి తీరు రాజకీయ వర్గాల్లో, పార్టీ కార్యకర్తల్లో ఆందోళనకు గురిచేస్తోంది. నిన్న హరీశ్ రావు తండ్రి తన్నీరు సత్యనారాయణ భౌతికకాయానికి నివాళులు అర్పించేందుకు కేసీఆర్ వెళ్లినప్పుడు ఆయన కర్రకు ఆశ్రయం తీసుకుని నడవాల్సి రావడం, గతంతో పోలిస్తే బలహీనంగా కనిపించడం అందరికీ కంగారును కలిగించింది. ఈ వీడియోలు, ఫోటోలు నెటిజన్లలో విస్తృతంగా చర్చకు దారితీశాయి.

India vs Australia: వ‌ర్షం ఎఫెక్ట్‌.. భార‌త్- ఆస్ట్రేలియా తొలి టీ20 ర‌ద్దు!

కేసీఆర్ ఆరోగ్యం పై ఇప్పటికే కొన్ని నెలలుగా ఊహాగానాలు కొనసాగుతున్నాయి. రాజకీయ రంగంలో శక్తివంతమైన నేతగా ఉన్న ఆయన కొంతకాలంగా పబ్లిక్ ఈవెంట్స్‌కి దూరంగా ఉన్నారు. ఇటీవలి ఎన్నికల తర్వాత రాజకీయ చట్రంలో కనిపించే తీరు తగ్గిపోయింది. ఈ నేపథ్యంలో, ఆయన నడకలో ఉన్న మార్పు మరింత సందేహాలకు తావిచ్చింది. వైద్య పరీక్షల కోసం ఆయన తరచూ ఆసుపత్రికి వెళ్తున్నారని, విశ్రాంతి తీసుకుంటున్నారనే సమాచారం రాజకీయ వర్గాలలో చక్కర్లు కొడుతోంది.

తెలంగాణ ఉద్యమానికి నాయకత్వం వహించి రాష్ట్ర ప్రజల హృదయాల్లో ప్రత్యేక స్థానం సంపాదించిన కేసీఆర్, మళ్లీ పూర్తి ఆరోగ్యంతో ప్రజాక్షేత్రంలో చురుకుగా కనిపించాలని అభిమానులు కోరుకుంటున్నారు. సోషల్ మీడియాలో “Get Well Soon KCR” అంటూ సందేశాలు వెల్లువెత్తుతున్నాయి. ఆయన ఆరోగ్యంపై అధికారిక సమాచారం విడుదల చేస్తూ కార్యకర్తల ఆందోళనకు ముగింపు పలకాలన్న డిమాండ్లు కూడా వినిపిస్తున్నాయి. కేసీఆర్ త్వరగా కోలుకుని రాజకీయ రంగంలో దూకుడుగా తిరిగి రాక ప్రజలు ఆశిస్తున్నారు.

Follow us