Techie Family: టెక్కీ ఫ్యామిలీ సూసైడ్ ఘటనలో కొత్త ట్విస్ట్.. క్షుద్ర పూజల అనుమానం!
హైదరాబాద్లోని అమీన్పూర్ పోలీస్ స్టేషన్ పరిధిలోని వందనాపురి కాలనీలోని వారి ఇంట్లో 7 ఏళ్ల బాలికతో సహా ఒకే కుటుంబానికి చెందిన ముగ్గురు వ్యక్తులు అనుమానాస్పద రీతిలో మృతి చెందారు.
- By Balu J Published Date - 02:55 PM, Sat - 22 January 22
హైదరాబాద్లోని అమీన్పూర్ పోలీస్ స్టేషన్ పరిధిలోని వందనాపురి కాలనీలోని వారి ఇంట్లో 7 ఏళ్ల బాలికతో సహా ఒకే కుటుంబానికి చెందిన ముగ్గురు వ్యక్తులు అనుమానాస్పద రీతిలో మృతి చెందారు. మృతులను శ్రీకాంత్ (42), అనామిక (38), స్నిగ్ధ (7)గా గుర్తించారు. పూజా కార్యక్రమాల అనంతరం ఆత్మహత్యాయత్నానికి పాల్పడిన కుటుంబంలో కొన్ని క్షుద్ర ఆచారాలు, మూఢ నమ్మకాలు ఉన్నాయని పోలీసులు అనుమానిస్తున్నారు. మృతదేహాలు నుదిటిపై వెర్మిలియన్ గీతలున్నాయి. దేవతల ఫోటోలు నేలపై కనిపించాయి. పోలీసులకు ఇంకా సూసైడ్ నోట్, ఎలాంటి ఆధారాలు దొరకలేదు. ఈ కేసును విచారించేందుకు ఫోరెన్సిక్ బృందాన్ని నియమించారు.
అయితే ఈ కుటుంబం రెండురోజుల క్రితం తప్పిపోయిందనే బంధువుల ఫిర్యాదు మేరకు పోలీసులు విచారణ చేయడం మొదలుపెట్టారు. జనవరి 20, గురువారం మధ్యాహ్నం 1.30 గంటలకు వారి నివాసానికి వెళ్లారు. ఇంటి తలుపులు తాళం వేసి ఉండడంతో, పోలీసులు వాటిని తెరిచి చూడగా వేర్వేరు గదుల్లో మృతదేహాలు కనిపించాయి. శ్రీకాంత్ హైదరాబాద్లో సాఫ్ట్ ఉద్యోగిగా పనిచేస్తుండగా, అనామిక టీచర్గా పనిచేసింది.
అనుమానాస్పద రీతిలో మృతి చెంది ఉండటం, పక్కన నేలపై దేవుళ్ల ఫొటోలు పడి ఉండటం, ఏదైనా క్షుద్ర పూజలు చేశారనే కోణంలో కేసును దర్యాప్తు చేస్తున్నట్లు అమీన్పూర్ సర్కిల్ ఇన్స్పెక్టర్ శ్రీనివాస్ రెడ్డి తెలిపారు. “మాకు ఎలాంటి సూసైడ్ నోట్ దొరకలేదు, కాబట్టి క్లూస్ కోసం మా టెక్నికల్ టీమ్ సహాయం తీసుకున్నామని చెప్పారు. నివాసంలో సీసీ కెమెరాలు ఉండడంతో వాటిలోనూ ఆధారాల కోసం పోలీసులు వెతుకుతున్నారు. ఈ విషయం తెలుసుకున్న ఇరుగుపొరుగువారు షాక్కు గురయ్యారు. “వారిది మంచి కుటుంబం. ప్రేమ వివాహం కావడంతో వీరికి ఎలాంటి గొడవలు లేవు. ఎవరితోనూ ఎప్పుడూ గొడవ పడలేదు’’ అని పేర్కొన్నారు. గతంలో చిత్తూరు జిల్లా మదనపల్లిలో ఓ ఉన్నత విద్యావంతులైన కుటుంబం క్షుద్ర పూజలకు పాల్పడిన విషయం తెలిసిందే. ఈ ఘటనపై కూడా అలాంటి సందేహాలు వ్యక్తం చేస్తున్నారు పోలీసులు.
Related News
Allu Arjun Pushpa 2 : ఆ సినిమా కోసం మలేషియాని హైదరాబాద్ కి తెచ్చేశారు..!
Allu Arjun Pushpa 2 సుకుమార్ అల్లు అర్జున్ కాంబోలో వస్తున్న పుష్ప 2 సినిమా పార్ట్ 1 కన్నా భారీగా ఉండేలా ప్లాన్ చేస్తున్నారు.