Chicken Price : హైదరాబాద్‌లో తగ్గిన చికెన్ ధరలు

హైదరాబాద్‌ చికెన్ ధరలు తగ్గుతూ వస్తున్నాయి. గత వారం కిలో రూ. 250కి పైగా విక్రయించారు. శుక్రవారం ధరలు ఈ విధంగా ఉన్నాయి. ఫాంరేటు రూ. 110, రిటైల్ రూ. 132, విత్ స్కిన్ కిలో రూ. 191, స్కిన్లెస్ రూ. 218 నుంచి రూ. 230 మధ్య అమ్ముతున్నారు. ధరలు తగ్గడంతో మాంసం విక్రయాలు పెరిగే అవకాశం ఉందని HYD పార్శిగుట్టలోని ఓ వ్యాపారి తెలిపాడు. బోనాల సీజన్ కావడంతో ఈ ఆదివారం నుంచే గిరాకీ ఉంటుందన్నారు.

We’re now on WhatsApp. Click to Join.

వాతావరణ మార్పులతో నగరంలో చికెన్ ధరలు భారీగా తగ్గాయి. ఒక్కసారిగా టమాటా ధరలు పెరగడంతో ప్రజలు ఆందోళన చెందుతుండగా, చికెన్ ధరలు ఒక్కసారిగా పడిపోయి కిలో రూ. 250లకు విక్రయిస్తున్నారు. పౌల్ట్రీల్లో మరణాలు చాలా ఎక్కువగా ఉన్నప్పుడు వేసవి కాలం ముగియడం , వచ్చే నెలలో ఫంక్షన్లు/వివాహాలు తగ్గడం వల్ల వ్యాపారం మందగించడం ధరల పతనానికి కారణమని చెప్పవచ్చు.

నెల రోజుల క్రితం చికెన్ (లైవ్) రూ. 160 నుంచి రూ. 170 కిలో ఉండగా.. స్కిన్‌ లెస్‌ చికెన్‌ రూ. 280 నుండి రూ. 320ల వరకు విక్రయించారు. ఇప్పుడు కిలో చికెన్‌ రూ. 218 నుంచి 230 వరకు అమ్మతున్నారు. రానున్న రోజుల్లో ధరలు మరింత తగ్గే అవకాశం ఉందని విక్రయదారులు అంటున్నారు.

నగరానికి శంషాబాద్, షాద్‌నగర్, కందుకూరు, కొత్తూరు, ఇబ్రహీంపట్నం, మేడ్చల్, రంగారెడ్డి, హయత్‌నగర్ తదితర ప్రాంతాల నుంచి కోళ్ల సరఫరా జరుగుతుంది.

Read Also : RGV : నాగ్‌ అశ్విన్‌కు థ్యాంక్స్‌ చెప్పిన ఆర్జీవీ