Xiaomi 12 Pro: ‘ షావోమీ 12 ప్రో’ విడుదల ముహూర్తం ఏప్రిల్ 27.. ఫీచర్స్ అదుర్స్

అదిరిపోయే ఫీచర్లతో కూడిన ‘ షావోమీ 12 ప్రో’ బుధవారం (ఏప్రిల్ 27న) భారత మార్కెట్లో విడుదలకానుంది. దీని ధర రూ.66,999 ఉండొచ్చని అంచనా వేస్తున్నారు. ఇది ఇప్పటికే అమెరికా , చైనా, ఐరోపా దేశాల్లో విడుదలైంది. చైనా లో దీని ధర రూ.56,300 ( 4,699 యువాన్లు) , అమెరికాలో రూ.76,300 (999 డాలర్లు) ఉంది. అమెజాన్ వెబ్ సైట్ లోనూ ‘ షావోమీ 12 ప్రో’ విక్రయాలు జరగనున్నాయి. దీనికి ప్రధాన పోటీ ఇప్పటికే మార్కెట్లో ఉన్న ‘ వన్ ప్లస్ 10 ప్రో’ నుంచి ఎదురుకానుంది. దాని ధర రూ.70,000. ‘ వన్ ప్లస్ 10 ప్రో’ తో పోలిస్తే తక్కువ ధర ఉండటం ‘ షావోమీ 12 ప్రో’ కు కలిసొచ్చే అవకాశం ఉంది.

‘ షావోమీ 12 ప్రో’ ఫీచర్లు ఇవీ..

– క్వాల్ కామ్ స్నాప్ డ్రాగన్ 8 జెన్ 1 చిప్ తో ఈ ఫోన్ వస్తుంది.
– 6.73 అంగుళాల స్క్రీన్ తో పాటు WQHD+ రేజెల్యూషన్ ఉంటుంది.
– 1500 నిట్స్ బ్రైట్ నెస్ తో కూడిన E5 ఆమోల్డ్ ప్యానెల్ ఉంటుంది.
– 120 HZ డైనమిక్ రిఫ్రెష్ రేట్ ఉంటుంది. దీనివల్ల బ్యాటరీ లైఫ్ మరింత పెరుగుతుంది.
– 240 HZ టచ్ శాంప్లింగ్ రేట్ ఉంటుంది.
– ఫోన్ ప్యానెల్ పై కార్నింగ్ గొరిల్లా గ్లాస్ అమర్చి ఉంటుంది.
– వెనుక వైపు ట్రిపుల్ కెమెరా ఉంటుంది. వీటిలో ఒకటి సోనీ IMX707 50 మెగా పిక్సెల్ ప్రైమరీ కెమెరా.
– ఫోన్ ముందు భాగంలో 32 మెగా పిక్సెల్స్ తో ఉండే ఒక సెల్ఫీ కెమెరా ఉంటుంది.
– ఫోన్ లో 4,600 MAH తో కూడిన బ్యాటరీ ఉంటుంది.
– ఫాస్ట్ ఛార్జింగ్ కోసం 120 వాట్స్ ఛార్జర్ ను కూడా ఫోన్ తో పాటు ఇస్తారు.
– ఈ ఫోన్ ను 50 వాట్స్ వైర్ లెస్ ఛార్జింగ్ చేసుకునేందుకు అనుగుణంగా రూపొందించారు.
– ఈ ఫోన్ ను 10 వాట్స్ రివర్స్ ఛార్జింగ్ కూడా చేయొచ్చు.
– ఈ ఫోన్ లోని స్పీకర్ సిస్టం ను ‘ హర్మన్ కార్డన్ ‘ కంపెనీ అభివృద్ధి చేసింది.