WhatsApp New Features : వాట్సాప్‌ ఆడియో, వీడియో కాల్స్‌.. మరో నాలుగు కొత్త ఫీచర్లు

WhatsApp New Features : వాట్సాప్ తమ యూజర్ల కోసం మరో నాలుగు నూతన ఫీచర్లను తీసుకొచ్చింది. ఈ ఫీచర్స్ అన్నీ వాట్సాప్ ఆడియో, వీడియో కాల్స్ క్వాలిటీని మరింత పెంచుతాయి. యూజర్లకు అదనపు సౌకర్యంతో పాటు ఫన్‌ను అందిస్తాయి. ఇంతకీ ఆ ఫీచర్స్ ఏమిటో ఇప్పుడు తెలుసుకుందాం..

గ్రూప్ కాల్స్ నోటిఫికేషన్ 

వాట్సాప్‌లోని గ్రూప్ వీడియో​ కాల్స్​ ఫీచర్‌‌ను(WhatsApp New Features) సరికొత్తగా తీర్చిదిద్దారు.  ఇంతకుముందు వాట్సాప్​ గ్రూప్​లో ఎవరైనా వీడియో కాల్ చేస్తే.. గ్రూప్​లోని మెంబర్స్ అందరికీ ఒకేసారి నోటిఫికేషన్ వెళ్లిపోయేది. తద్వారా వాట్సాప్ గ్రూప్​లోని ఎవరైనా ఆ వీడియో కాల్‌కు కనెక్ట్ అయ్యే ఛాన్స్ ఉండేది. కొత్త విషయం ఏమిటంటే.. ​వాట్సాప్ గ్రూప్​ కాల్స్​లో ​పార్టిసిపెంట్స్​ను మనం సెలెక్ట్ చేసుకోవచ్చు. గ్రూప్ వీడియో కాల్ చేసే టైంలో మనం ఎంచుకున్న వారికి మాత్రమే నోటిఫికేషన్ వెళ్తుంది. ఫలితంగా వాట్సాప్ గ్రూప్‌లోని మెంబర్స్ అందరికీ డిస్టర్బెన్స్ ఉండదు. దీంతోపాటు వాట్సాప్‌లో వీడియో క్వాలిటీ మునుపటి కంటే బెటర్‌గా మారింది. మొబైల్ లేదా డెస్క్​టాప్​ నుంచి వాట్సాప్ వీడియో కాల్ చేస్తే.. మునుపటి కంటే ఎక్కువ రిజల్యూషన్​తో వీడియో ఇమేజ్ మనకు కనిపిస్తుంది.