Upcoming Phone in december: వివో నుంచి రియల్ మీ వరకు త్వరలోనే మార్కెట్లోకి రాబోతున్న సరికొత్త స్మార్ట్ ఫోన్స్ ఇవే?

దేశవ్యాప్తంగానే కాకుండా ప్రపంచవ్యాప్తంగా స్మార్ట్ ఫోన్ వినియోగదారుల సంఖ్య విపరీతంగా పెరిగిపోవడంతో అందుకు అనుగుణంగా మొబైల్ తయారీ సంస్థలు కూడా నెలలో పదుల సంఖ్యలో స్మార్ట్ ఫోన్ లను విడుదల చేస్తున్నాయి. ఇప్పటికీ వందల రకాల స్మార్ట్ ఫోన్ లు మార్కెట్లో అందుబాటులో ఉన్న విషయం తెలిసిందే. వాటితో పాటు ఎప్పటికప్పుడు కొత్త కొత్త స్మార్ట్ ఫోన్లు విడుదల అవుతూనే ఉన్నాయి. ఈ నేపథ్యంలోనే డిసెంబర్ లో కూడా వివో నుంచి రియల్ మీ వరకు కొన్ని స్మార్ట్ ఫోన్లు విడుదల కాబోతున్నాయి. మరి ఆ వివరాల్లోకి వెళితే..

ఐక్యూ 12.. IQOO డిసెంబర్ 12న భారత్ లో లాంచ్ కానుంది. ఈ iQOO 12 భారతదేశంలో స్నాప్‌డ్రాగన్ తాజా 8 Gen 3 ప్రాసెసర్‌తో పనిచేసే మొదటి ఫోన్ అవుతుంది. ఆండ్రాయిడ్ 14 ఆపరేటింగ్ సిస్టమ్‌లో పనిచేసే Pixel సిరీస్ కాని మొదటి ఫోన్ కూడా అవుతుంది. ఈ ఫోన్‌లో 16 జీబీ ర్యామ్, 1 టీబీ స్టోరేజ్ ఉన్నట్లు వెల్లడైంది. ఫోన్ AMOLED డిస్‌ప్లేతో వస్తుంది. ట్రిపుల్ రియర్ కెమెరా, 16 మెగాపిక్సెల్ సెల్ఫీ కెమెరాను కలిగి ఉంటుంది. 120W ఫాస్ట్ ఛార్జింగ్ ఈ ఫోన్‌కు సంబంధించిన అత్యంత ప్రత్యేకత. రూ.50,000 రేంజ్‌లో ఈ ఫోన్‌ను లాంచ్ కానుంది.

వివో ఎక్స్ 100, ఎక్స్ 100 ప్రో.. Vivo X100 సిరీస్‌కి చెందిన రెండు ఫోన్‌లు జాబితాలో విడుదల కానున్నాయి. ఈ సిరీస్‌లోని X100, X100 ప్రో రెండూ డిసెంబర్ 14న పరిచయం కానున్నాయి. ఈ ఫోన్‌లు MediaTek Dimensity 9300 SoCతో వస్తున్నాయి. ఈ ఫోన్లు ఇప్పటికే చైనాలో లాంచ్ అయ్యాయి. ఈ ఫోన్లు 120Hz రిఫ్రెష్ రేట్‌తో వస్తున్నాయి. వీటి గరిష్ట ప్రకాశం 3000 నిట్‌లు. ఈ ఫోన్లలో ట్రిపుల్ కెమెరా ఉంది, ఇది 50 మెగాపిక్సెల్ మెయిన్ సెన్సార్‌తో వస్తుంది. ఈ రెండు ఫోన్లు 50 మెగాపిక్సెల్ అల్ట్రా వైడ్ యాంగిల్ కెమెరాతో వస్తాయి. దీని ప్రో మోడల్ 5400mAh బ్యాటరీ, 120W వైర్ ఛార్జర్‌తో వస్తుంది. ఈ సిరీస్ ధర రూ.45,000 గా ఉండనుంది.

రియల్ మీ సి67 5జీ.. ఈ జాబితాలో మూడవ ఫోన్ C67 5G ఫోన్. రియల్ మీ ఈ ఫోన్ డిసెంబర్ 14న ప్రారంభమవుతుంది. బడ్జెట్ రేంజ్‌లో ఈ ఫోన్‌ను విడుదల చేయనున్నట్టు తెలుస్తోంది. అత్యంత సన్నగా ఉండే 5జీ ఫోన్‌గా ఈ ఫోన్‌కు సంబంధించి మరిన్ని వివరాలు ఇంకా తెలియాల్సి ఉంది. ఇది 7.89mm స్లిమ్ బాడీని కలిగివుంటుంది.