Samsung Galaxy S24: ఆ శాంసంగ్ స్మార్ట్ ఫోన్ పై ఏకంగా అన్ని రూ. వేల డిస్కౌంట్?

ప్రస్తుతం ఆన్లైన్ ప్లాట్ ఫామ్ లలో ఇండిపెండెన్స్ డే సేల్ నడుస్తోంది. అమెజాన్, ఫ్లిప్కార్ట్ వంటి వెబ్ సైట్లలో ప్రత్యేకంగా సేల్స్ నడుస్తున్నాయి. అందులో భాగంగానే ప్రస్తుతం ఆన్ లైన్ ప్లాట్ ఫామ్ లలో ఆఫర్ల సీజన్ నడుస్తోంది. స్మార్ట్ ఫోన్ లపై అదిరిపోయే డిస్కౌంట్ లను అందిస్తున్నారు. అలా ఈ ఆఫర్లో భాగంగా ప్రస్తుతం శాంసంగ్ స్మార్ట్ ఫోన్ పై భారీగా డిస్కౌంట్ లభిస్తోంది. ఆగస్టు 15 స్వాతంత్ర్య దినోత్సవం సందర్భంగా ప్రముఖ ఈ-కామర్స్ వెబ్ సైట్లు ప్రత్యేక సేల్స్ నడుపుతున్నాయి. కాగా శాంసంగ్ గెలాక్సీ ఎస్24 ఈ ఏడాది ప్రారంభంలో భారతీయ మార్కెట్లో లాంచ్ అయ్యింది. ఆ సమయంలో రూ.79,999 ప్రారంభ ధర ఉంది. అయితే ఇప్పుడు ఈ ఫోన్ పై మంచి ఆఫర్ అందుబాటులో ఉంది.

పరిమిత కాల స్వాతంత్య్ర దినోత్సవ ఆఫర్ కింద ఈ గెలాక్సీ ఎస్ 24పై భారీ తగ్గింపు అందిస్తోంది. మొత్తం మీద రూ. 12,000 డిస్కౌంట్ ను ఈ ఫోన్ పై మీరు పొందవచ్చు. కాగా శాంసంగ్ గెలాక్సీ ఎస్24 బేస్ వేరియంట్ 8జీబీ ర్యామ్, 128జీబీ స్టోరేజ్ తో వస్తుంది. అయితే దీని అసలు ధర రూ. 74,999గా ఉంది. ప్రస్తుతం ఈ స్వాతంత్య్ర దినోత్సవ తగ్గింపులో భాగంగా ఇది రూ. 62,999 కే అందుబాటులో ఉంది. వినియోగదారులకు నో కాస్ట్ ఈఎంఐ ఆప్షన్ కూడా అందుబాటులో ఉంది. నెలకు రూ. 5,666 ఈఎంఐతో 24 నెలల కాల పరిమితితో ఈ ఆప్షన్ ఎంచుకోవచ్చు. శామ్సంగ్ వెబ్ సైట్ లో పేర్కొన్న దాని ప్రకారం ఈ ఆఫర్ ఆగస్టు 15 వరకు మాత్రమే చెల్లుబాటు అవుతుంది.అదే సమయంలో 256జీబీ స్టోరేజ్ వేరియంట్ ధర రూ. 79,999 కాగా ప్రస్తుత ఆఫర్లో భాగంగా దీనిని 67,999 కే సొంతం చేసుకోవచ్చు.

అలాగే 512జీబీ వేరియంట్ రూ. 89,999 కాగా దానిని కేవలం రూ. 77,999కి కొనుగోలు చేయవచ్చు. శాంసంగ్ తో పాటు పలు ఆన్‌లైన్ రిటైలర్లు అమెజాన్, ఫ్లిప్‌కార్ట్ కూడా గెలాక్సీ ఎస్ 24పై పోటాపోటీగా ఆఫర్లను అందిస్తున్నాయి. అమెజాన్లో ప్రారంభ ధర రూ.56,000 కాగా, ఫ్లిప్‌కార్ట్ తక్కువ వేరియంట్‌ను రూ.62,000కు అందిస్తోంది. ఇకపోతే శాంసంగ్ గెలాక్సీ ఎస్ 24 స్పెసిఫికేషన్ ల విషయానికి వస్తే.. శాంసంగ్ గెలాక్సీ ఎస్ 24 స్మార్ట్ ఫోన్ 1 హెర్జ్ నుంచి 120 హెర్జ్ వరకూ వేరియబుల్ రిఫ్రెష్ రేట్, విజన్ బూస్టర్ సపోర్ట్‌ తో 6.2 అంగుళాల ఫుల్ హెచ్ డీ ప్లస్ డైనమిక్ అమోల్డ్ డిస్‌ప్లేను కలిగి ఉంది. దీనిలో ఎక్సినోస్ 2400 ఎస్ఓసీ ఆధారంగా పనిచేస్తుంది. 8జీబీ ర్యామ్, 512జీబీ ఇంటర్నల్ స్టోరేజ్ తో వస్తుంది. ఇక కెమెరా విషయానికి వస్తే 50 మెగా పిక్సెల్ వైడ్ కెమెరా, 12 మెగా పిక్సెల్ అల్ట్రా వైడ్ యాంగిల్ కెమెరా, 10 మెగా పిక్సెల్ టెలిఫోటో కెమెరాతో ట్రిపుల్ రియర్ కెమెరా సిస్టమ్ ఉంటుంది. ముందు భాగంలో ఇది 12 మెగాపిక్సెల్ సెల్ఫీ సెన్సార్‌ ను కలిగి ఉంది. ఈ ఫోన్ డస్ట్, వాటర్ రెసిస్టెన్స్ కోసం ఐపీ68 రేటింగ్, 25వాట్ల వైర్డ్ ఛార్జింగ్, 15వాట్ల వైర్‌లెస్ ఛార్జింగ్ సపోర్ట్‌తో కూడిన 4,000ఎంఏహెచ్ బ్యాటరీ, వైర్‌లెస్ పవర్‌ షేర్ ఫంక్షనాలిటీని కూడా కలిగి ఉంది.