Realme P2 Pro: తక్కువ ధరకే ఎక్కువ ఫీచర్స్ తో ఆకట్టుకుంటున్నా రియల్ మీ పీ2 ప్రో!

ప్రముఖ స్మార్ట్ ఫోన్ తయారీ దిగ్గజం రియల్ మీ సంస్థ ఇప్పటికే ఎన్నో రకాల స్మార్ట్ ఫోన్ లను మార్కెట్లోకి విడుదల చేసిన విషయం తెలిసిందే. ఒకదానిని మించి ఒకటి అత్యాధునిక ఫీచర్లు కలిగిన స్మార్ట్ ఫోన్లను మార్కెట్లోకి విడుదల చేసింది. కాగా ఇప్పటికే ఎన్నో రకాల స్మార్ట్ ఫోన్లను విడుదల చేసిన రియల్ మీ సంస్థ ఇప్పుడు మరో సరికొత్త స్మార్ట్ ఫోన్ తీసుకువచ్చింది. మరి ఆ వివరాల్లోకి వెళితే.. ఈ ఏడాది ప్రారంభంలో రియల్ మీ సంస్థ మిడ్ రేంజ్ సెగ్మెంట్ లో భాగంగా పీ సిరీస్ స్మార్ట్ ఫోన్లను ప్రకటించిన విషయం తెలిసిందే. ఇప్పుడు ఇందులో ఒక ఫోన్ ని పరిచయం చేసింది. రియల్ మీ పీ 2 ప్రో 5జీ కొన్ని తీసుకువచ్చింది రియల్ మీ సంస్థ.

కాగా ఈ స్మార్ట్ ఫోన్ కి సంబంధించి పూర్తి వివరాల్లోకి వెళితే.. రియల్​మీ పీ2 ప్రో 5జీ స్మార్ట్​ఫోన్​ 120 హెర్ట్జ్ రిఫ్రెష్ రేట్, 2000 నిట్స్ పీక్ బ్రైట్​ నెస్​ తో 6.7 ఇంచ్​ శాంసంగ్ కర్వ్​డ్ అమోలెడ్ డిస్​ప్లేని కలిగి ఉంది. ఈ స్మార్ట్​ ఫోన్ స్నాప్​ డ్రాగన్ 7ఎస్​జెన్ 2 5జీ చిప్​​ సెట్​ తో కనెక్ట్​ చేసిన 12జీబీ ర్యామ్, 512 జీబీ ఇంటర్నల్ స్టోరేజ్​ తో పని చేస్తుంది. మల్టీ టాస్కింగ్ సమయంలో సమర్థవంతమైన హీట్ మేనేజ్​ మెంట్ కోసం 9 లేయర్ కూలింగ్ సిస్టమ్​ ను కూడా ఇందులో అమర్చింది సంస్థ. రియల్​మీ పీ2 ప్రో 5జీలో 50 మెగా పిక్సెల్ మెయిన్ కెమెరాతో పాటు సోనీ లైట్ 600 సెన్సార్, ఓఐఎస్ సపోర్ట్​తో పాటు 8 మెగా పిక్సెల్ అల్ట్రా వైడ్ కెమెరాతో డ్యూయెల్ కెమెరా సెటప్ ఉంది. ముందువైపు 32 మెగాపిక్సెల్ సెల్ఫీ కెమెరాను అందించింది.

అలాగే ఏఐ అల్ట్రా క్లారిటీ, ఏఐ స్మార్ట్ రిమూవల్, ఏఐ గ్రూప్ ఫోటో ఎన్​హాన్స్​మెంట్​, ఏఐ ఆడియో జూమ్ వంటి పలు కెమెరా ఏఐ ఫీచర్లను సపోర్ట్ చేస్తుంది. 80 వాట్ సూపర్ వూక్ ఫాస్ట్ ఛార్జింగ్ సపోర్ట్ చేసే 5200 ఎంఏహెచ్ బ్యాటరీని ఇందులో అందించారు. ఆండ్రాయిడ్ 14 ఆధారిత రియల్​మీ యూఐ 5.0 ఆపరేటింగ్ సిస్టెంపై రియల్​మీ పీ2 ప్రో పనిచేయనుంది. ఈ స్మార్ట్ ఫోన్ మనకు ప్యారేట్ గ్రీన్,ఈగిల్ గ్రే వంటి రెండు కలర్ లలో లభించనుంది. ఇకపోతే ఈ స్మార్ట్ ఫోన్ ధర విషయానికి వస్తే.. 8జీబీ ర్యామ్ 128 జీబీ స్టోరేజ్ వేరియంట్ ధర రూ.21,999గా ఉంది. రూ.2000 కూపన్​ ను కూడా కంపెనీ అందిస్తోంది. ఇది స్మార్ట్​ఫోన్ ధరను తగ్గిస్తుంది. రియల్​మీ పీ2 ప్రో 5జీ ఎర్లీ బర్డ్ సేల్ సెప్టెంబర్ 17 సాయంత్రం 6 గంటల నుంచి రాత్రి 8 గంటల వరకు ప్రారంభమవుతుంది. కొనుగోలు దారులు దీనిని ఫ్లిప్​కార్ట్ లేదా రియల్​మీ ఇండియా ఆన్​లైన్ స్టోర్ నుంచి పొందవచ్చు.