Phone Tips: ఫోన్ స్పీకర్లు సౌండ్ సరిగ్గా రావడం లేదా.. అయితే ఇలా చేయాల్సిందే?

మాములుగా మనం తరచూ స్మార్ట్ ఫోన్ లను వినియోగిస్తూ ఉంటాం. ఉదయం లేచిన దగ్గర నుంచి రాత్రి పడుకునే వరకు మొబైల్ ఫోన్లను ఎక్కువగా వినియోగిస్తూ ఉంటాం. అయితే ఎక్కువగా వినియోగించడం వల్ల బ్యాటరీ అలాగే సౌండ్ ప్రాబ్లమ్స్ ఎక్కువగా వస్తూ ఉంటాయి. సౌండ్ తక్కువగా రావడం వల్ల చాలామంది ఇబ్బంది పడుతూ ఉంటారు. కొన్నిసార్లు ఫోన్ స్పీకర్ సౌండ్‌ తగ్గుతుంతుంటుంది. ఇలాంటి పరిస్థితుల్లో ఫోన్ ఉపయోగించడం చాలా కష్టంగా మారుతుంది. ఫోన్‌లో సౌండ్ సరిగ్గా రాకుంటే స్పీకర్‌ సౌండ్‌లో సమస్య ఉన్నట్లయితే. ఈ సమస్యను పరిష్కరించుకోవడానికి చాలా మంది మొబైల్ రిపేరు సెంటర్ లోకి వెళుతూ ఉంటారు.

కానీ ఇక మీదట మొబైల్ రిపేరింగ్ సెంటర్లకు వెళ్లకుండానే మీ ఇంట్లో కూర్చుని మొబైల్ రిపేర్ చేసుకోవచ్చు.. అది ఎలాగో ఇప్పుడు మనం తెలుసుకుందాం.. మొబైల్ స్పీకర్ వాల్యూమ్ తగ్గడానికి అనేక రకాలు కారణాలు ఉన్నాయి. స్పీకర్ లో దుమ్ము లేదా ధూళి పెరిగిపోవడం వల్ల కూడా సౌండ్ తక్కువగా వస్తుంది. అలాగే ఎలక్ట్రానిక్ భాగం దెబ్బ తినడం వల్ల కూడా స్పీకర్ సమస్యలు వస్తాయి. మీ ఫోన్ స్పీకర్ పని చేయక పోతే ఫోన్‌ లో నీరు చేరడం వల్ల కూడా ఇలా జరిగి ఉంటుందని మీరు అనుకుంటే, అటువంటి పరిస్థితిలో మీరు స్పీకర్ క్లీనర్ యాప్ సహాయం తీసుకోవచ్చు. ఈ రోజుల్లో చాలా స్మార్ట్‌ ఫోన్‌లు వాటర్ రెసిస్టెంట్ ఫీచర్‌ తో వస్తున్నాయి.

మీ ఆండ్రాయిడ్ ఫోన్ యాక్టివ్ డోంట్ డిస్టర్బ్ మోడ్‌ లో ఉన్నట్లయితే స్పీకర్ ఇన్‌ కమింగ్ కాల్‌ లు, నోటిఫికేషన్‌ లతో పని చేయదు. అలాంటప్పుడు, మీరు DND మోడ్‌ ను ఆఫ్ చేయాలి.అలాగే కొన్నిసార్లు ఫోన్ స్పీకర్‌ లో దుమ్ము పేరుకుపోవడం వల్ల సౌండ్ తగ్గుతుంది. అటువంటి పరిస్థితిలో మొబైల్ నిపుణుల ప్రకారం, మెరుగైన పనితీరు కోసం స్పీకర్ క్లీనింగ్ అవసరం. మీరు మీ ఫోన్ స్పీకర్‌ ను శుభ్రం చేయాలి. దీని కోసం మీరు మృదువైన టూత్ బ్రష్ లేదా స్పీకర్ క్లీనర్‌ ను ఉపయోగించవచ్చు. స్పీకర్‌ ను చాలా గట్టిగా రుద్దకూడదని గుర్తుంచుకోవాలి. అది స్పీకర్‌ను దెబ్బతీస్తుంది. అలాగే కొన్నిసార్లు ఫోన్ సెట్టింగ్‌ లు స్పీకర్‌ తో సమస్యలను కూడా కలిగిస్తాయి.

స్పీకర్‌ ని క్లీన్ చేసిన తర్వాత కూడా సౌండ్ బాగా లేకుంటే, ఫోన్ సెట్టింగ్‌లను మార్చడానికి ప్రయత్నించాలి. ఫోన్ సెట్టింగ్‌ లకు వెళ్లి సౌండ్‌ లు, వైబ్రేషన్‌ లపై నొక్కాలి. ఇక్కడ మీరు మీడియా రింగ్‌టోన్, అలారం మొదలైన వాటి వాల్యూమ్‌ ను పూర్తిగా సెట్ చేసుకుని చూడాలి. దీని తర్వాత సౌండ్‌ ప్లే చేయాలి. చాలా సార్లు, సాఫ్ట్‌వేర్‌ను అప్‌డేట్ చేయకపోవడం వల్ల కూడా స్పీకర్‌ లో సమస్యలను కలిగిస్తుంది. అందుకే సాఫ్ట్‌వేర్‌ను సమయానికి అప్‌డేట్‌ చేయాలి. ఇది అనేక ఫోన్ సమస్యలను పరిష్కరిస్తుంది. ఈ పద్ధతులన్నీ ఫోన్ స్పీకర్‌ను సరిచేయకపోతే ఫోన్‌ను మొబైల్ సెంటర్‌కు తీసుకెళ్లాలి.