Paytm Fastag: పేటీఎం పేమెంట్‌ బ్యాంకు వాలెట్, ఫాస్టాగ్‌లో డబ్బు ఉందా.. అయితే వెంటనే బదిలీ చేసేయండి?

పేటీఎం యాప్ కి సంబంధించి గత కొద్ది రోజులుగా అనేక రకాల వార్తలు వినిపిస్తున్న విషయం తెలిసిందే. పేటీఎం యాప్ పనిచేయదని ఆన్లైన్ ట్రాన్సాక్షన్స్ చేయవద్దు అంటూ గత కొద్దిరోజులుగా అనేక రకాల వార్తలు సోషల్ మీడియాలో వినిపిస్తున్న విషయం తెలిసిందే. అయితే ఫిబ్రవరి 29 నుంచి పేటీఎం యాప్ లు పనిచేయవంటూ ఆర్.బి.ఐ ఇటీవల షాక్ ఇచ్చిన విషయం తెలిసిందే. కానీ పేటీఎంకి ఉపశమనం ఇస్తూ, రిజర్వ్ బ్యాంక్ ఆఫ్ ఇండియా ఇటీవల నిషేధ తేదీని ఫిబ్రవరి 29 నుండి మార్చి 15 వరకు పొడిగించింది. పేటీఎం పేమెంట్ బ్యాంక్ లో డబ్బును డిపాజిట్ చేసే ప్రస్తుత కస్టమర్లు, డిపాజిటర్లు తమ డబ్బును ఇతర బ్యాంకులకు బదిలీ చేయాల్సి ఉంటుందని ఆర్బీఐ తెలిపింది.

పేటీఎం పేమెంట్‌ బ్యాంకు వాలెట్, ఫాస్టాగ్‌లో డబ్బు ఉన్న వినియోగదారులు వాటిని ఉపయోగించవచ్చు. కానీ మార్చి 15 తర్వాత వాటిలో బ్యాలెన్స్‌ వేయలేరు. యాప్‌లో యూపీఐ కార్యకలాపాలను కొనసాగించవచ్చో లేదో పరిశీలించాల్సిందిగా NPCIని ఆర్బీఐ కోరింది. పేటీఎం థర్డ్ పార్టీ యాప్ ప్రొవైడర్‌గా మారడం ద్వారా యూపీఐ కార్యకలాపాలను కొనసాగించాలనుకుంటోంది. కాగా ఈ నెల ప్రారంభంలో ఎన్‌హెచ్‌ఏఐ టోల్ కలెక్టింగ్ విభాగం IHMCL ఫాస్టాగ్‌ను విక్రయించగల 32 అధీకృత బ్యాంకుల జాబితా నుండి పేటీఎం పేమెంట్స్ బ్యాంక్‌ను తొలగించింది. అయితే తమ పేటీఎం ఖాతాను ఐసీఐసీఐ, హెచ్‌డీఎఫ్‌సీ, యాక్సిస్‌ బ్యాంక్‌, ఇతర బ్యాంకులతో లింక్ చేసిన వినియోగదారులు ఆందోళన చెందాల్సిన అవసరం లేదు.

Paytm ఫాస్టాగ్‌ వినియోగదారులు వారి ఫాస్టాగ్‌ బ్యాలెన్స్‌ని ఉపయోగించాలి. మార్చి 15 తర్వాత కూడా దీన్ని ఉపయోగించుకోవచ్చు. అయితే దీన్ని ఎంత త్వరగా ఉపయోగిస్తే అంత మంచిది. మార్చి 15, 2024 తర్వాత వినియోగదారులు పేటీఎం పేమెంట్స్ బ్యాంక్ జారీ చేసిన ఫాస్టాగ్‌ని రీఛార్జ్ చేయలేరు. ఏదైనా అసౌకర్యాన్ని నివారించడానికి మీరు మార్చి 15, 2024లోపు ఏదైనా ఇతర బ్యాంక్‌లో కొత్త ఫాస్టాగ్‌ని కొనుగోలు చేయాలి. ఇది కాకుండా, వినియోగదారులు Paytm ఫాస్టాగ్‌ ఖాతాలో మిగిలిన డబ్బు వాపసు కోసం కూడా దరఖాస్తు చేసుకోవచ్చు. పేటీఎం వినియోగదారులు పేటీఎం పేమెంట్స్ బ్యాంక్ జారీ చేసిన వారి పాత ఫాస్టాగ్‌ నుండి ఏదైనా ఇతర బ్యాంక్ నుండి పొందిన కొత్త Fastagకి బ్యాలెన్స్‌ని బదిలీ చేయగలరా అనే ప్రశ్న తలెత్తుతోంది.

దీనికి ప్రతిస్పందనగా, ఫాస్టాగ్ ఉత్పత్తిలో క్రెడిట్ బ్యాలెన్స్ బదిలీ ఫీచర్ అందుబాటులో లేదని ఆర్బీఐ తెలిపింది. వినియోగదారులు పేటీఎం పేమెంట్స్ బ్యాంక్ జారీ చేసిన పాత ఫాస్టాగ్‌ని మూసివేసి, బ్యాంక్ నుండి రీఫండ్ కోసం అభ్యర్థించాలి. ఇకపోతే Paytm ఫాస్టాగ్‌ ఖాతాను ఎలా డీయాక్టివేట్ చేయాలి? అన్న విషయానికి వస్తే.. Paytm Fastag వినియోగదారులు ఖాతాను డీయాక్టివేట్ చేయడానికి కంపెనీ టోల్ ఫ్రీ నంబర్ 1800-120-4210 కి కాల్ చేయాలి. ఆ తర్వాత, వినియోగదారులు తమ రిజిస్టర్డ్ మొబైల్ నంబర్, వాహన రిజిస్ట్రేషన్ నంబర్ లేదా ట్యాగ్ ఐడి ని అందించాలి. వినియోగదారులు పేటీఎం యాప్ ద్వారా పేటీఎంకస్టమర్ సపోర్ట్‌ను కూడా సంప్రదించవచ్చు. ఫాస్టాగ్‌ మూసివేతను నిర్ధారించడానికి కస్టమర్ సపోర్ట్ ఏజెంట్ మిమ్మల్ని సంప్రదిస్తారు.