Lava Yuva 2 5G: లావా నుంచి 5జీ స్మార్ట్ ఫోన్ రిలీజ్.. తక్కువ ధరకే అద్భుతమైన స్మార్ట్ ఫోన్!

ప్రముఖ స్మార్ట్ ఫోన్ తయారీ సంస్థ లావా ఇప్పటికే మార్కెట్ లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వాటితో మరికొన్ని కొత్త కొత్త స్మార్ట్ ఫోన్ లను మార్కెట్ లోకి విడుదల చేస్తూనే ఉంది. అయితే అందులో భాగంగానే తాజాగా మరో కొత్త స్మార్ట్ ఫోన్ ని విడుదల చేసింది. అయితే తాజాగా విడుదల చేసిన ఆ స్మార్ట్ ఫోన్ కి సంబందించి మరిన్ని వివరాల్లోకి వెళితే.. లావా తన నూతన స్మార్ట్‌ఫోన్ లావా యువ 2 5జీ స్మార్ట్ ఫోన్ ని విడుదల చేసింది. ఈ ఫోన్ ధర తక్కువ ధరల్లోనే ఉండనుంది. మీరు కూడా తక్కువ ధరలో మంచి ఫోన్ కోసం చూస్తున్నట్లయితే, ఇది మీకు సరైన ఆప్షన్‌ని చెప్పాలి.

ఇందులో ఏయే ఫీచర్లు ఉన్నాయి? ధర ఎంతో తెలుసుకుందాం.. కాగా లావా కంపెనీ ఈ స్మార్ట్‌ ఫోన్‌ను భారతీయ మార్కెట్‌ లో రూ.9,499 కే విడుదల చేసింది. ఇది ఫోన్ బేస్ మోడల్, 4జీ RAM+ 128జీబీ ఇంటర్నల్ స్టోరేజ్‌తో అందుబాటులో ఉంటుంది. ఈ స్మార్ట్‌ఫోన్ ప్రత్యేకత ఏమిటంటే దాని లుక్ అని చెప్పాలి. కాగా లావా కంపెనీ ఈ సరికొత్త స్మార్ట్ ఫోన్ ని రెండు రంగుల్లో విడుదల చేసింది. ఈ ఫోన్ బ్లాక్ అండ్ వైట్ కలర్ కాంబినేషన్‌లో చాలా బాగుంది. దీని ఫినిషింగ్ వన్‌ప్లస్‌ ని పోలి ఉంటుందని చెప్పాలి. ఇకపోతే ఈ ఫోన్లో అందించిన స్పెసిఫికేషన్లో విషయానికి వస్తే.. ఈ స్మార్ట్‌ ఫోన్‌లో 6.67 అంగుళాల HD + డిస్‌ప్లే, 90Hz రిఫ్రెష్ రేట్, 700 నిట్స్ పీక్ బ్రైట్‌నెస్‌ కు సపోర్ట్, టాప్ సెంటర్‌ లో పంచ్ హోల్ కటౌట్ ఉన్నాయి.

సెప్టెంబరు 2024లో లాంచ్ అయిన యువ 5జీ కంటే డిస్‌ప్లై పెద్దది. ఇది UNISOC T760 చిప్‌సెట్ ద్వారా ఆధారితమైనది. ఫోన్‌లో 4జీబీ ర్యామ్ ఉంది. మిగిలిన ఫోన్‌లో 128జీబీ UFS 2.2 ఇంటర్నల్ స్టోరేజ్ కూడా ఉంటే 4జీబీ వరకు విస్తరించవచ్చట. అదే సమయంలో కంపెనీ 50 మెగాపిక్సెల్ ప్రైమరీ సెన్సార్, 2ఎంపీ AI సెన్సార్ కెమెరాను కలిగి ఉన్న ఫోన్‌ లో డ్యూయల్ కెమెరా సెటప్‌ను ఇచ్చింది. దీనితో పాటు, లావా వినియోగదారులకు సెల్ఫీలు తీసుకోవడానికి 8 మెగా పిక్సెల్ ఫ్రంట్ కెమెరాను కూడా ఇచ్చింది. డివైజ్‌ 18వాట్స్ ఫాస్ట్ ఛార్జింగ్‌ కు మద్దతుతో పెద్ద 5000mAh బ్యాటరీని కలిగి ఉంది. అలాగే ఈ ఫోన్‌ లో ఫింగర్‌ ప్రింట్ సెన్సార్, ఫేస్ అన్‌ లాకింగ్ సపోర్ట్ కూడా ఉంది.