IPhone 16 Launch: మార్కెట్లోకి ఐఫోన్ 16 సిరీస్ మోడల్స్ లాంచ్.. ప్రత్యేకతలు ఇవే!

ఐఫోన్ వినియోగదారులు ఎప్పుడెప్పుడా అని ఎదురుచూస్తున్న యాపిల్ ఐఫోన్ 16 సిరీస్ మార్కెట్ లోకి లాంచ్ అయ్యింది. అదిగో ఇదిగో అంటూ నెలల తరబడి వినియోగదారులను ఊరిస్తూ వస్తోంది ఐఫోన్ 16 సిరీస్. ఎట్టకేలకు మార్కెట్లోకి లంచ్ అయ్యింది. గ్లోటైమ్​ 2024 ఈవెంట్​లో ఐఫోన్​ 16 సిరీస్​ స్మార్ట్​ఫోన్స్​తో పాటు యాపిల్​ వాచ్​ సిరీస్ 10, ఎయిర్​పాడ్స్​ 4, మరెన్నో అప్​గ్రేడ్స్​, స్పెసిఫికేషన్లు, ఫీచర్లు, సాఫ్ట్​వేర్​, ఆర్టిఫిషియల్ ఇంటెలిజెన్స్ అప్డేట్స్​ బయటకు వచ్చాయి. అయితే గత ఏడాది మాదిరిగానే కొత్త తరం ఐఫోన్లలో ఐఫోన్ 16, ఐఫోన్ 16 ప్లస్, ఐఫోన్ 16 ప్రో, ఐఫోన్ 16 ప్రో మ్యాక్స్ అనే నాలుగు మోడళ్లు ఉన్నాయి.

కానీ కొత్త విషయం ఏమిటంటే యాపిల్ ఏ 18 సిరీస్​ తో కొత్త చిప్​సెట్​ ను ఇంటిగ్రేట్ చేసింది. కొత్త కెమెరా కంట్రోల్ బటన్ ని ఈ స్మార్ట్​ఫోన్స్​ కి యాడ్​ చేసింది. ఇకపోతే ఐఫోన్ 16, ఐఫోన్ 16 ప్లస్ స్పెసిఫికేషన్లు, ఫీచర్ల విషయానికి వస్తే.. ఐఫోన్ 16, ఐఫోన్ 16 ప్లస్ కొత్త డిజైన్, యాక్షన్ బటన్, కెమెరా కంట్రోల్ బటన్​ తో లాంచ్ అయ్యాయి. ఇంతకు ముందు లీకైనట్లుగా, ఈ స్మార్ట్​ఫోన్స్​ వర్టికల్ కెమెరా మాడ్యూల్​ ని కలిగి ఉన్నాయి. ఇవి సరికొత్త రూపాన్ని ఇస్తాయి. స్టాండర్డ్ ఐఫోన్ 16 మోడళ్లు సెకండ్ జనరేషన్ 3ఎన్ఎమ్ చిప్​తో తయారు చేసిన ఏ18 చిప్​సెట్​ తో పని చేస్తాయి. రాబోయే యాపిల్ ఇంటెలిజెన్స్ ఫీచర్లకు మద్దతు ఇవ్వడానికి ఈ చిప్​సెట్​ 16 కోర్ న్యూరల్ ఇంజిన్​ ని అందిస్తుంది.

ఫోటోగ్రఫీ కోసం, ఐఫోన్ 16, ఐఫోన్ 16 ప్లస్ 48 మెగా పిక్సెల్ మెయిన్ కెమెరా, 12 మెగా పిక్సెల్ అల్ట్రా వైడ్ కెమెరాను కలిగి ఉన్నాయి. కొత్త కెమెరా ప్లేస్మెంట్ యాపిల్ విజన్ ప్రో హెడ్​సెట్​లో ప్లేబ్యాక్ కోసం స్పేషియల్​ ఫోటోలు, వీడియోలను క్యాప్చర్ చేసే సామర్థ్యాన్ని ఈ స్మార్ట్​ఫోన్స్​కి ఇస్తుంది. ఐఫోన్ 16 ప్రో, ఐఫోన్ 16 ప్రో మ్యాక్స్ కూడా ఇంతకుముందు ఊహించినట్లుగానే 6.3 ఇంచ్​, 6.9 ఇంచ్​ భారీ డిస్​ప్లేలతో విడుదల అయ్యాయి. కొత్త ప్రో మోడళ్లు స్లిమ్​ బెజెల్స్, టైటానియం ఫ్రేమ్​ లతో కొత్త బ్లాస్ట్ ఫినిషింగ్​తో వస్తాయి. కొత్త తరం ఐఫోన్ ప్రో మోడళ్లలో కొత్త 16 కోర్ న్యూరల్ ఇంజిన్​ తో కూడిన ఏ18 ప్రో చిప్​సెట్ ఉంది. ఇది ఏ17 ప్రో చిప్​ కంటే 15 శాతం వేగంగా ఏఐ ఆధారిత పనులను పూర్తిచేస్తుందని సమాచారం. కాగా ఐఫోన్ 16 ప్రో, ఐఫోన్ 16 ప్రో మ్యాక్స్ వేగవంతమైన క్వాడ్-పిక్సెల్ సెన్సార్​తో కొత్త 48 ఎంపీ ఫ్యూజన్ కెమెరాను కలిగి ఉన్నాయి. 48 మెగాపిక్సెల్ అల్ట్రా వైడ్ కెమెరా, 5ఎక్స్ టెలిఫోటో కెమెరా, లెన్స్​ల మధ్య జూమింగ్ లేదా స్విచ్చింగ్ వంటి వాటిని నిర్వహించడానికి హాప్టిక్ ఫీడ్ బ్యాక్ ఫీచర్, టచ్ కంట్రోల్స్​తో వచ్చే కొత్త కెమెరా కంట్రోల్ బటన్​తో కెమెరాను కంట్రోల్​ చేయగలగడం​ హైలెట్ అని చెప్పవచ్చు.