Tech Guide : వాట్సాప్‌లో ఎవరైనా మెసేజ్ పంపి వెంటనే డిలీట్ చేశారా? ఆ మెసేజ్ ఏంటో ఇలా తెలుసుకోండి!!
వాట్సాప్‌లో ఎవరైనా మీకు మెసేజ్ పంపి వెంటనే డిలీట్ చేశారా? ఆ మెసేజ్‌లను చదవాలను కుంటున్నారా? ఈ కింది విధంగా ఫాలో అయితే డిలీట్ అయిన ఆ మెసేజ్‌లను సులభంగా తెలుసుకోవచ్చు.
- By hashtagu Published Date - 07:47 AM, Sat - 1 October 22
వాట్సాప్‌లో ఎవరైనా మీకు మెసేజ్ పంపి వెంటనే డిలీట్ చేశారా? ఆ మెసేజ్‌లను చదవాలను కుంటున్నారా? ఈ కింది విధంగా ఫాలో అయితే డిలీట్ అయిన ఆ మెసేజ్‌లను సులభంగా తెలుసుకోవచ్చు. వాట్సాప్ లో ఇప్పటికే మెసేజ్ డిలీటెడ్ ఫీచర్ ఉంది. యాప్‌లోని ఏదైనా మెసేజ్ పంపిన రెండు రోజుల తర్వాత కూడా డిలీట్ చేసేందుకు ప్లాట్‌ఫారమ్ యూజర్లను అనుమతిస్తుంది. మెసేజ్ డిలీట్ చేసినట్టుగా రిసీవర్‌కు తెలిసేలా యాప్ చాట్‌లో ” డిలీటెడ్ ” అనే మెసేజ్ కూడా కనిపిస్తుంది. ఇంతకీ వాట్సాప్‌లో ఏ మెసేజ్ పంపారు? ఎందుకు డిలీట్ చేశారు అనేది తెలియకపోవచ్చు. ఆ మెసేజ్ ఏమై ఉంటుంది అనేది ప్రతిఒక్కరికి తెలుసుకోవాలనే ఆసక్తి ఉంటుంది.
తప్పిదాన్ని గుర్తించిన తర్వాత మళ్లీ మెసేజ్
మెటా యాజమాన్యంలోని ఇన్‌స్టాగ్రామ్ వంటి ఇతర సోషల్ మీడియా ప్లాట్‌ఫారమ్‌లు కూడా ఈ “Delete Message” ఫీచర్‌ను అందిస్తున్నాయి. యాప్ డిలీట్ చేసిన మెసేజ్ గురించి రిసీవర్‌ని ఎప్పటికీ అలర్ట్ చేస్తుంది. ఈ ఫీచర్ ఎలా పని చేస్తుంది? పంపిన మెసేజ్ ఏమిటి? ఎందుకు డిలీట్ చేయాల్సి వచ్చింది? అనేది వివరించాల్సిన అవసరం లేదని వాట్సాప్ అభిప్రాయం. యూజర్లు పంపిన మెసేజ్ తప్పిదాన్ని గుర్తించిన తర్వాత మళ్లీ మెసేజ్ పంపడానికి WhatsApp ఈ ఫీచర్‌ను అందించింది.
ఆ యాప్ ఇన్ స్టాల్ చేసుకోవాలి
మీరు ఈ వాట్సాప్ ఫీచర్ విషయంలో అసంతృప్తిగా ఉన్నారా? మీకు ఇతరులు పంపి డిలీట్ చేసిన అన్ని మెసేజ్‌లను చదవాలనుకుంటున్నారా? ఈ కింది విధంగా ఫాలో అయితే డిలీట్ చేసిన మెసేజ్‌లను సులభంగా తెలుసుకోవచ్చు. అందుకోసం మీరు Google Play Store ద్వారా థర్డ్ పార్టీ యాప్‌ని డౌన్‌లోడ్ చేసుకోవాల్సి ఉంటుంది. ఇంతకీ అదేలా పనిచేస్తుందో ఇప్పుడు తెలుసుకుందాం.
డిలీట్ మెసేజ్‌లను ఇలా చూడొచ్చు
* Google Play Store నుంచి ”Get Deleted Messages” యాప్‌ను ఇన్‌స్టాల్ చేయండి.
* మీరు ఇప్పుడు యాప్‌కి కొన్ని Allow పర్మిషన్స్ ఇవ్వాల్సి ఉంటుంది.
* WhatsAppలో మెసేజ్ డిలీట్ చేసినప్పుడల్లా మీరు ఈ యాప్ ద్వారా ఆ మెసేజ్ ఏంటో చూడవచ్చు.
* థర్డ్ పార్టీ యాప్ మీ ఫోన్ నోటిఫికేషన్‌ల ప్యానెల్ నుంచి ఏదైనా పంపినవారి మెసేజ్‌లను ట్రాక్ చేస్తుంది. ఆపై మీకు ఆ మెసేజ్ కూడా చూపిస్తుందని గుర్తించుకోండి.
* మీరు నోటిఫికేషన్‌లకు Allow ఇవ్వవలసి ఉంటుంది. మీరు ఒక యూజర్ WhatsApp చాట్‌ని ఓపెన్ చేసినప్పుడు అందులో ఏదైనా మెసేజ్ డిలీట్ అయితే మీరు చదవలేరని గుర్తించుకోండి.
* ఎందుకంటే ఈ థర్డ్ పార్టీ యాప్ మీ WhatsAppలో ఉన్న వెంటనే నోటిఫికేషన్ నుంచి మెసేజ్‌లను డిస్‌ప్లే చేస్తుంది. మెసేజ్‌లు డిలీట్ అయిన తర్వాత అవి WhatsAppలో కనిపించవు.
* కానీ, మీరు వాట్సాప్‌లో డిలీట్ చేసిన మెసేజ్‌లను “Get Deleted Messages” యాప్‌లో మాత్రం చూడవచ్చు.
