Smartphones Discount: పండుగ వేళ స్మార్ట్ ఫోన్ లపై అద్భుతమైన ఆఫర్స్.. తక్కువ ధరకే సొంతం చేసుకోండిలా!

ప్రస్తుతం అమెజాన్‌లో జరుగుతున్న గ్రేట్ ఇండియన్ ఫెస్టివల్ సేల్లో బాగంగానే స్మార్ట్‌ఫోన్లపై భారీ డీల్స్ అందిస్తున్నారు. ఈ సేల్‌ లో మీరు కొత్త ఫోన్ కొనాలని ఆలోచిస్తుంటే ఆపిల్, శాంసంగ్, వన్‌ప్లస్ ఫోన్లను చూడవచ్చు. అమెజాన్ సేల్‌లో ఈ ఫోన్లపై భారీ డిస్కౌంట్లు ఇస్తున్నారు. ఏ ఏ స్మార్ట్ ఫోన్ ఏ ధరకు లభిస్తున్నాయి అన్నయానికి వస్తే.. ఈ ఫెస్టివల్ సీజన్ సేల్‌లో భాగంగా శాంసంగ్ 5జీ ఫోన్ బ్యాంక్, కూపన్ డిస్కౌంట్ లతో కేవలం రూ.9,999కే లభిస్తుంది. ఈ డివైస్‌లపై విపరీతమైన ఎక్స్చేంజ్ బోనస్‌ లు కూడా ఇస్తున్నారు. ఎక్స్ఛేంజ్ ఆఫర్ మీ పాత ఫోన్, బ్రాండ్, కంపెనీ ఎక్స్ఛేంజ్ పాలసీ పరిస్థితిపై ఆధారపడి ఉంటుందట.

అదేవిధంగా ఐఫోన్ 13,128జీబీ స్టార్‌లైట్ కలర్ వేరియంట్ అమెజాన్ గ్రేట్ ఇండియన్ ఫెస్టివల్‌లో రూ.42,999కు లభిస్తోంది. అయితే బ్యాంక్ ఆఫర్‌లో భాగంగా ఈ ఫోన్‌పై రూ.1250 వరకు డిస్కౌంట్ లభిస్తుంది. దీనిపై రూ.2150 వరకు క్యాష్‌బ్యాక్ కూడా లభిస్తోంది. ఎక్స్ఛేంజ్ ఆఫర్లో మీరు రూ.39,650 వరకు ప్రయోజనం పొందవచ్చు. ఇకపోతే ఫీచర్ల విషయానికొస్తే ఈ ఫోన్‌లో 6.1 అంగుళాల సూపర్ రెటీనా ఎక్స్‌డీఆర్ డిస్‌ప్లేను అందించనున్నారు. ఫొటోగ్రఫీ కోసం 12 మెగాపిక్సెల్ వైడ్, అల్ట్రావైడ్ యాంగిల్ కెమెరాను ఇందులో అందించారు. సెల్ఫీ కెమెరా కూడా 12 మెగాపిక్సెల్. ఐఫోన్ 13లో ప్రాసెసర్‌గా కంపెనీ ఏ15 బయోనిక్ చిప్‌సెట్‌ ను అందిస్తోంది.

ఇకపోతే వన్‌ప్లస్ నార్డ్ సీఈ4 లైట్ 5జీ ఫోన్ విషయానికి వస్తే.. ఈ ఫోన్ 8 జీబీ ర్యామ్, 128 జీబీ ఇంటర్నల్ స్టోరేజ్‌తో వస్తుంది. ఫోన్ ధర రూ.19,998గా ఉంది. గ్రేట్ ఇండియన్ ఫెస్టివల్ సేల్‌లో మీరు కూపన్ డిస్కౌంట్‌తో కొనుగోలు చేయవచ్చు. ఈ ఫోన్ పై రూ.999.90 క్యాష్ బ్యాక్ లభిస్తోంది. దీనితో మీకు వన్‌ప్లస్ బుల్లెట్స్ ఇయర్ ఫోన్స్ ఫ్రీగా లభిస్తాయి. ఎక్స్ఛేంజ్ ఆఫర్‌ లో రూ.18,800 వరకు పొందవచ్చు. ఈ ఫోన్‌ లో 120 హెర్ట్జ్ రిఫ్రెష్ రేట్‌తో డిస్‌ప్లే లభిస్తుంది. ఫోన్ వెనుక భాగంలో 50 మెగా పిక్సెల్ మెయిన్ కెమెరాను కంపెనీ అందిస్తోంది. 80 వాట్ ఫాస్ట్ ఛార్జింగ్ సపోర్ట్ చేసే బ్యాటరీ 5500ఎంఏహెచ్‌గా ఉంది.

కాగా శాంసంగ్ గెలాక్సీ ఎం15 5జీ ఉన్న ఆఫర్స్ విషయానికి వస్తే..శాంసంగ్ గెలాక్సీ ఎం15 5జీ ఫోన్ 4 జీబీ ర్యామ్, 128 జీబీ ఇంటర్నల్ స్టోరేజ్ కలిగి ఉంది. ఈ ఫోన్ రూ.10,999కే లభిస్తోంది. ఈ ఫోన్‌పై రూ.250 కూపన్, రూ.750 బ్యాంక్ డిస్కౌంట్ అందిస్తోంది. ఈ రెండు ఆఫర్లతో ఈ ఫోన్ రూ.9,999కే సొంతం చేసుకోవచ్చు. బ్యాంక్ ఆఫర్ కోసం, మీరు ఎస్‌బీఐ క్రెడిట్ కార్డుతో చెల్లించాలి. ఈ సేల్‌లో మీరు రూ.550 వరకు క్యాష్‌బ్యాక్‌ తో ఫోన్‌ను కొనుగోలు చేయవచ్చు. ఎక్స్చేంజ్ డీల్స్‌లో కూడా ఈ ఫోన్‌ను కొనుగోలు చేయవచ్చు. ఈ శాంసంగ్ ఫోన్లో మీకు 50 మెగాపిక్సెల్ ట్రిపుల్ రియర్ కెమెరా సెటప్, 6000 ఎంఏహెచ్ బ్యాటరీ లభిస్తుంది.