Google : గూగుల్ డేటా సెంటర్ లో అగ్నిప్రమాదం, స్తంభించిన టెక్ ప్రపంచం..!!
అమెరికాలో గూగుల్ కు చెందిన ఓ డేటా కేంద్రంలో అగ్ని ప్రమాదం జరింగింది. దీని కారణంగా సెర్చింజన్ సేవల్లో కొంతసమయం అవాంతరం ఏర్పడింది. ఈ విషయాన్ని గూగుల్ అధికారిక ప్రతినిధి కూడా ధ్రువీకరించారు.
- Author : hashtagu
Date : 09-08-2022 - 12:48 IST
Published By : Hashtagu Telugu Desk
అమెరికాలో గూగుల్ కు చెందిన ఓ డేటా కేంద్రంలో అగ్ని ప్రమాదం జరింగింది. దీని కారణంగా సెర్చింజన్ సేవల్లో కొంతసమయం అవాంతరం ఏర్పడింది. ఈ విషయాన్ని గూగుల్ అధికారిక ప్రతినిధి కూడా ధ్రువీకరించారు. లోవాలోని కౌన్సిల్ బ్లఫ్ లో ఉన్న గూగుల్ డేటా సెంటర్ లో అగ్ని ప్రమాదం జరిగినట్లు చెప్పారు. ఈ ప్రమాదంలో ముగ్గురు ఉద్యోగులకు గాయాలు అయ్యాయి. వారిలో ఒకరి పరిస్థితి విషమంగా ఉన్నట్లు తెలుస్తోంది.
కాగా ఉద్యోగుల భద్రత, ఆరోగ్యం తమకు ముఖ్యమని గూగుల్ ప్రతినిధి తెలిపారు. వారికి కావాల్సిన సాయం అందించనున్నట్లు చెప్పారు. ఈ ప్రమాదం కారణంగా మంగళవారం ఉదయం యూజర్లకు సెర్చింజన్ లో సమస్యలు వచ్చాయి. సెర్చింజన్ పనిచేయకపోవడం లేదంటూ 40వేల ఫిర్యాదులు అందాయి. 502 ఎర్రర్ కనిపిస్తూ…30 సెకన్ల తర్వాత ప్రయత్నించడంటూ వారికి మెసేజ్ కనిపించింది. సర్వర్ లో ఏర్పడిన ఈ సమస్యను గూగుల్ ఇంజనీర్లు పరిష్కరించారు.
Follow us
