BSNL: అలా ఆర్డర్ చేస్తే మీ ఇంటి వద్దకే బీఎస్ఎన్ఎల్ సిమ్ కార్డ్.. పూర్తి వివరాలు ఇవే!

ప్రముఖ టెలికాం కంపెనీలు జియో ఎయిర్టెల్ ఐడియా రీఛార్జ్ ధరలను భారీగా పెంచడంతో కస్టమర్లు బీఎస్ఎన్ఎల్ వైపు మొగ్గు చూపుతున్నారు. ఇప్పటికీ చాలామంది బీఎస్ఎన్ఎల్ కి పోర్ట్ అయిన విషయం తెలిసిందే. అయితే బిఎస్ఎన్ఎల్ వినియోగదారుల సంఖ్య పెరిగిపోతుండడంతో అందుకు తగ్గట్టుగానే 4జీ, 5జీ నెట్ వర్క్ లను తీసుకురావడానికి గట్టిగానే ప్రయత్నాలు చేస్తోంది. అలాగే ఎయిర్టెల్ జియో వంటి కంపెనీలకు గట్టి పోటీనే ఇస్తోంది. బీఎస్‌ఎన్‌ఎల్ టవర్ల అప్‌గ్రేడేషన్ ఇప్పటికే పూర్తయింది. ప్రభుత్వ టెలికాం సంస్థ ఈసారి 5జీ సేవలను ప్రారంభించాలని యోచిస్తోంది.

ఈసారి బీఎస్‌ఎన్‌ఎల్ కస్టమర్లకు ఒక పెద్ద అవకాశాన్ని అందిస్తోంది. అదేమిటంటే ఆర్డర్‌ చేసిన సిమ్ కార్డ్ మీ ఇంటికి చేరుకుంటుందట. మీరు బీఎస్‌ఎన్‌ఎల్‌ 4జీ సిమ్ ని ఆన్‌లైన్‌లో ఆర్డర్ చేయవచ్చు. దాంతో మీరు ఎక్కడికి వెళ్లనవసరం లేదు. ఇటీవల, జియో, ఎయిర్‌టెల్ వంటి మొబైల్ నెట్‌వర్క్‌ల చాలా మంది కస్టమర్‌లు BSNLకి మారారు. ఎందుకంటే ప్రభుత్వం నడపబడుతున్న టెలికాం కంపెనీ ఇంకా ఇతర కంపెనీల మాదిరిగా ఎటువంటి టారిఫ్‌ లను పెంచలేదు. బీఎస్‌ఎన్‌ఎల్‌ ఎట్టకేలకు దేశవ్యాప్తంగా 15,000 కొత్త 4జీ టవర్లను ఇన్‌స్టాల్‌ చేయడం ద్వారా హై స్పీడ్ 4జీ సేవలను అందించడం ప్రారంభించింది. ఈ సేవ దేశవ్యాప్తంగా చాలా వేగవంతమైన ఇంటర్నెట్‌ను అందిస్తుంది.

అక్టోబర్ చివరి నాటికి దాదాపు 80,000 టవర్లను ఏర్పాటు చేస్తామని, మిగిలిన 21,000 టవర్లను 2025 మార్చి నాటికి ఏర్పాటు చేస్తామని కేంద్ర మంత్రి జ్యోతిరాదిత్య సింధియా తెలిపారు. టెలికాం కంపెనీ వెబ్‌సైట్ ప్రకారం, బీఎస్‌ఎన్‌ఎల్‌ ఒక కంపెనీ సహకారంతో ఇళ్లకు సిమ్ కార్డ్‌లను అందించడం ప్రారంభించింది. ఇంతకుముందు ఇతర మొబైల్ కంపెనీలు ఇలా చేసేవి. ఇప్పుడు బీఎస్‌ఎన్‌ఎల్‌ కూడా ఈ సదుపాయాన్ని ప్రవేశపెట్టింది.మరి ఈ బిఎస్ఎన్ఎల్ సిమ్ ని ఎలా అప్లై చేయాలి అన్న విషయానికొస్తే.. ఇందుకోసం ముందుగా https://prune.co.in/ లేదా https://www.bsnl.co.in/ ఈ వెబ్‌సైట్‌కి వెళ్లి లాగిన్ అవ్వాలి. అక్కడ SIM కార్డ్ కొనుగోలు చేయాలి. ఆ తర్వాత భారతదేశాన్ని దేశంగా, బీఎస్‌ఎన్‌ఎల్‌ని నెట్‌వర్క్‌గా ఎంచుకోవాలి. తర్వాత పేరు, చిరునామా, ఇమెయిల్ ఐడి ఇవ్వడం ద్వారా సిమ్ కార్డ్ డెలివరీ చేయబడుతుంది.