RR vs CSK: చెన్నై జోరుకు రాజస్థాన్ బ్రేక్.. హై స్కోరింగ్ మ్యాచ్ లో రాయల్స్ విక్టరీ
ఐపీఎల్ 16వ సీజన్ లో వరుస విజయాలతో దూసుకుపోతున్న చెన్నై సూపర్ కింగ్స్ జోరుకు రాజస్థాన్ రాయల్స్ బ్రేక్ వేసింది.
- By Naresh Kumar Published Date - 11:39 PM, Thu - 27 April 23
RR vs CSK: ఐపీఎల్ 16వ సీజన్ లో వరుస విజయాలతో దూసుకుపోతున్న చెన్నై సూపర్ కింగ్స్ జోరుకు రాజస్థాన్ రాయల్స్ బ్రేక్ వేసింది. హోం గ్రౌండ్ లో అదరగొట్టిన రాజస్థాన్ 32 పరుగుల తేడాతో విజయం సాధించింది.
టాస్ గెలిచి బ్యాటింగ్ ఎంచుకున్న సంజూ నిర్ణయం సరైనదే అని ఓపెనర్లు నిరూపించారు. యశస్వి జైస్వాల్ , జాస్ బట్లర్ మెరుపు ఆరంభాన్ని ఇచ్చారు. ముఖ్యంగా జైస్వాల్ భారీ షాట్లతో విరుచుకు పడ్డాడు. బట్లర్ కాస్త ఇబ్బంది పడినా… స్వేచ్చగా ఆడిన జైస్వాల్ తొలి వికెట్ కి
8.2 ఓవర్లలోనే 86 పరుగులు జోడించాడు. బట్లర్ ఔటైనా ఏ మాత్రం జోరు తగ్గని జైస్వాల్ మరింత దూకుడుగా ఆడాడు. జైస్వాల్ 43 బంతుల్లో 8 ఫోర్లు , 4 సిక్సర్లతో 77 రన్స్ చేశాడు.
జైస్వాల్ అవుటయ్యే సమయానికి రాజస్థాన్ స్కోరు 132 పరుగులే. దీంతో ఆ జట్టు భారీ స్కోరు చేయడం కష్టమే అనిపించింది. హిట్ మేయర్ కూడా నిరాశ పరిచాడు. ఇలాంటి సమయంలో క్రీజులోకి వచ్చిన ధృవ్ జురెల్ కేవలం 15 బంతుల్లోనే 34 పరుగులతో చెలరేగాడు. అతనికి దేవదత్ పడిక్కల్ కూడా మంచి సహకారం అందించాడు. అతను 13 బంతుల్లోనే 27 పరుగులు చేసి అజేయంగా నిలిచాడు.
దీంతో రాజస్థాన్ నిర్ణీత 20 ఓవర్లలో 5 వికెట్ల నష్టానికి 202 పరుగులు చేసింది. జైపూర్లో ఇప్పటి వరకు ఒక్క టీం కూడా 200 స్కోరు చేయలేదు. దీంతో ఈ ఘనత సాధించిన తొలి టీంగా కూడా రాజస్థాన్ రాయల్స్ రికార్డు సృష్టించింది. చెన్నై బౌలర్లలో తుషార్ రెండు వికెట్లతో ఆకట్టుకున్నాడు. తీక్షణ, జడేజా చెరో వికెట్ పడగొట్టారు.
భారీ టార్గెట్ తో బరిలోకి దిగిన చెన్నై సూపర్ కింగ్స్ కు ఓపెనర్లు ఓ మాదిరి ఆరంభాన్ని ఇచ్చారు. తొలి వికెట్ కి 42 పరుగుల భాగస్వామ్యం నెలకొల్పారు. అయితే ధాటిగా ఆడే క్రమంలో వరుస వికెట్లు కోల్పోయింది. రాయల్స్ కూడా కట్టుదిట్టం గా బౌలింగ్ చేసింది. దీంతో చెన్నై అనుకున్నంత వేగంగా రన్స్ చేయలేక పోయింది. గైక్వాడ్ 47 , రహానే , అంబటి రాయుడు నిరాశ పరిచారు. తర్వాత
శివమ్ దూబె వేగంగా ఆడేందుకు ప్రయత్నించినా ఫలితం లేకపోయింది. చివరికి చెన్నై 6 వికెట్లను 170 రన్స్ మాత్రమే చేయగలిగింది. దూబే హాఫ్ సెంచరీ చేసినా జట్టును గెలిపించలేకపోయాడు.ఈ విజయంతో రాజస్థాన్ రాయల్స్ పాయింట్ల పట్టిలో టాప్ ప్లేస్ కు దూసుకెళ్లింది.
https://twitter.com/IPL/status/1651631841961738240/video/1
Related News
Royal Challengers Bengaluru: ఆర్సీబీ ప్లేఆఫ్స్కు చేరుకోవాలంటే.. ఇలా జరగాల్సిందే..!
బెంగళూరులోని చిన్నస్వామి క్రికెట్ స్టేడియంలో జరగనుంది. RCB- CSK మధ్య జరిగే ఈ మ్యాచ్ ఫైనల్కు ఉండే క్రేజ్ను సాధించింది.