సింహంతో ఆటలు.. దెబ్బకు వేలు కట్.. వీడియో వైరల్..?

Czrczgen

మాములుగా పులులు,సింహాలను జూ లో చూస్తే చాలు అంతదూరం పారిపోతూ ఉంటారు. అటువంటిది సింహాలు, పులులు జూ లలో కాకుండా బయట విచ్చలవిడిగా తిరుగుతూ ఎదురు పడ్డాయి అంటే ఇక అంతే సంగతులు. ఇకపోతే చాలామంది జూ కి వెళ్ళినప్పుడు సింహాలు, పులుల బోన్ ల దగ్గరికి వెళ్లి పిచ్చిపిచ్చి వేషాలు వేస్తూ ఉంటారు. అంతే కాకుండా వాటిని రెచ్చ గొట్టే విధంగా ప్రవర్తిస్తూ ఉంటారు. ఈ క్రమంలోనే కొంతమంది గాయాల పాలవడం ప్రాణాలు పోవడం లాంటివి కూడా జరుగుతూ ఉంటాయి. అయితే తాజాగా అలాంటి ఘటనే ఒకటి చోటుచేసుకుంది.

జమైకాలోని సెయింట్ ఎలిజబెత్ లో ఉన్న జూలో ఒక భయంకరమైన ఘటన జరిగింది. అందుకు సంబంధించిన వీడియో కాస్త ప్రస్తుతం సోషల్ మీడియాలో వైరల్ అవుతోంది. జూకు వచ్చిన పర్యాటకుల కోసం సింహంతో ఆ జూ కీపర్ ఆటలాడాడు. దాని నోట్లో వేళ్లు పెట్టి కెలికడానికి ప్రయత్నిస్తూ పదే పదే దానిని టీజ్ చేశాడు. అయితే పరిశోధకులు అది చూసి ఎంజాయ్ చేస్తూ ఉండడంతో కాజు కీపర్ మరింత రెచ్చిపోయి మళ్లీ మళ్లీ అలాగే చేశాడు. ఇక కోపంతో విసుగుచెందిన సింహం అతడి వేలిని అమాంతం తన పదునైన కోర పళ్లతో పట్టేసింది.

https:

ఆ సింహం నోటి నుంచి తన వేలును విడిపించుకోవడానికి జూ కీపర్ ఎంతగా ప్రయత్నించినా ఆ వేలిని సింహం వదల్లేదు. అక్కడ వీడియోలు తీసుకుంటున్న పర్యాటకులు అంతా కామెడీ గా చేస్తున్నాడు అని అనుకున్నారు. కానీ, ఆ జూ కీపర్ మాత్రం వేలిని వదిలించుకోవడానికి విశ్వ ప్రయత్నమే చేశాడు. చివరకు సింహం వదిలేసినా.. అతడి వేలు మాత్రం లేదు. సింహం కోరల బలానికి ఆ వేలు తెగి పోయింది. బాధతో జూ కీపర్ విలవిల్లాడిపోయాడు. సోషల్ మీడియాలో ఈ వీడియో వైరల్ కావడంతో ఈ వీడియోని చూసిన ఆ నెటిజన్స్ ఆ జూ కిపర్ ని తిడుతున్నారు.

Follow us