Malaysia: ఇది కదా ప్రేమంటే.. ప్రియుడు కోసం రూ.వేల కోట్లు కాదనుకున్న ప్రేమికురాలు?
ప్రేమ.. ఈ రెండక్షరాల పదం ఎప్పుడూ ఎవరి మధ్య ఎలా పుడుతుందో చెప్పడం అంచనా వేయడం చాలా కష్టం. అంతేకాకుండా ఈ ప్రేమ కోసం ఎంతటికైన తెగ
- By Nakshatra Published Date - 05:38 PM, Mon - 14 August 23
ప్రేమ.. ఈ రెండక్షరాల పదం ఎప్పుడూ ఎవరి మధ్య ఎలా పుడుతుందో చెప్పడం అంచనా వేయడం చాలా కష్టం. అంతేకాకుండా ఈ ప్రేమ కోసం ఎంతటికైన తెగిస్తూ ఉంటారు. చంపడానికైనా చావడానికి అయినా సిద్ధంగా ఉంటారు. కానీ ఒక ప్రేమికురాలు మాత్రం ప్రియుడి కోసం ఏకంగా వేలకోట్ల ఆస్తి వద్దనుకుంది. మలేషియాకు చెందిన ప్రముఖ వ్యాపారవేత్త ఖుకే పెంగ్, మాజీ మిస్ మలేషియా పౌలిన్ ఛై దంపతుల కుమార్తె ఏంజెలిన్. ఆమె పైచదువుల కోసం ఆక్స్ఫర్డ్ యూనివర్సిటీలో చేరింది. ఆ సమయంలో ఏంజెలిన్ జెడిడియా ఫ్రాన్సిస్ అనే యువకుడితో పరిచయం ఏర్పడి అది కాస్తా ప్రేమగా మారింది.
కొన్నాళ్ల తర్వాత వారిద్దరూ వివాహ బంధంతో ఒకటిగా మారాలనుకున్నారు. ఇక్కడ వరకు సాఫీగా సాగిన వాళ్ల లవ్స్టోరీ ఇక్కడే బ్రేక్ పడింది. తన ప్రేమ విషయాన్ని ఏంజెలిన్ తన తల్లిదండ్రులకు చెప్పింది. అయితే జెడిడియా ధనవంతుడు కాదన్న కారణంగా ఆమె తండ్రి వాళ్ల పెళ్లికి అంగీకరించలేదు. అంతేకాకుండా తనను కాదని పెళ్లి చేసుకుంటే ఆస్తిలో చిల్లి గవ్వ కూడా దక్కదని తేల్చి చెప్పారు. దాంతో ఏంజెలిన్ నాకు మీ ఆస్తిలో పైసా కూడా అవసరం లేదు. నేను ప్రేమించిన వాడితోనే నా జీవితం అంటూ ఏంజెలిన్ సుమారు రూ.2,484 కోట్ల ఆస్తిని వదులుకుంది. ప్రియుడే కావాలని అతడిని పెళ్లి చేసుకుంది.
ఆ తర్వాత తల్లిదండ్రులను వదిలి ప్రియుడితో కలిసి కొత్త జీవితాన్ని ప్రారంభించింది. అప్పటి నుండి తన కుటుంబానికి దూరంగా జీవిస్తోంది. ఈ వార్త ప్రస్తుతం సోషల్ మీడియాలో వైరల్ అవుతుంది. దీనిని చూసిన ప్రతి ఒక్కరు ఏంజెలిన్పై ప్రశంసలు కురిపిస్తూ కామెంట్లు పెడుతున్నారు. అలాంటి గొప్ప ప్రేమికురాలు దొరకడం నిజంగా అతని అదృష్టం ఈ రోజుల్లో అలాంటి ప్రేమికురాలు ఎవరు ఉండరు దొరకరు కూడా అంటూ చాలామంది కామెంట్లు చేస్తున్నారు.
Related News
Fraud : ఆ మహిళలే అతడి టార్గెట్.. నమ్మించి నట్టేట ముంచి.. చివరికి..!
విడాకులు తీసుకున్న మహిళలే అతడి టార్గెట్. ఆ మహిళలు... ఒంటరిగా జీవించేవారు. సొంతంగా ఎవరూ లేని వారు. మానసికంగా చాలా బలహీనంగా ఉండి మరో జీవిత భాగస్వామి కోసం వెతుకుతున్న వారు.