VIVO V25 PRO: వివో వీ 25 ప్రో ఫోన్.. సూపర్ స్పెసిఫికేషన్లు.!
చైనాకు చెందిన ప్రముఖ స్మార్ట్ ఫోన్ల తయారీ సంస్థ వివో ఇప్పటికే ఎన్నో రకాల ఆండ్రాయిడ్ ఫోన్ లను అద్భుతమైన
- Author : Anshu
Date : 04-08-2022 - 7:00 IST
Published By : Hashtagu Telugu Desk
చైనాకు చెందిన ప్రముఖ స్మార్ట్ ఫోన్ల తయారీ సంస్థ వివో ఇప్పటికే ఎన్నో రకాల ఆండ్రాయిడ్ ఫోన్ లను అద్భుతమైన ఫీచర్లతో మార్కెట్లోకి విడుదల చేసిన విషయం తెలిసిందే. కాగా వివో సంస్థ వినియోగదారులను దృష్టిలో ఉంచుకొని ఎప్పటికప్పుడు మార్కెట్లోకి రకరకాల మొబైల్ ఫోన్ లను తీసుకువస్తోంది. ఈ క్రమంలోనే తాజాగా మధ్య శ్రేణి వినియోగదారులను దృష్టిలో ఉంచుకొని రూపొందించిన ఆండ్రాయిడ్ ఫోన్ వివో 25 ప్రో. అయితే ఈ వివో 25 ప్రో స్మార్ట్ ఫోన్ కి సంబంధించిన ప్రత్యేకతలు తాజాగా లీక్ అయ్యాయి.
ఆగస్టు 17వ తేదీన దీనిని అధికారికంగా ప్రకటించాల్సి ఉండగా ఈలోపు గూగుల్ ప్లే కన్సోల్ లిస్టింగ్, ఐఎంఈఐ నెంబరింగ్ కోసం అప్లై చేసిన వివరాల ఆధారంగా వివో వి 25, వివో వి25 ప్రో ఫోన్లకు సంబంధించిన ప్రత్యేకతలను తాజాగా ప్రఖ్యాత మొబైల్ టెక్ వెబ్సైట్లు బహిర్గతం చేశాయి. అయితే ఈ మొబైల్ ఆగస్టు 25వ తేదీ నుంచి విడుదల అయ్యే అవకాశాలు ఉన్నట్లు పేర్కొన్నాయి. మరి ఈ మొబైల్ ప్రత్యేకతలు ఏంటి అన్న విషయానికి వస్తే.. వివో వీ 25 ప్రో ఫోన్ లో మీడియా టెక్ డైమన్సిటీ 1300 ప్రాసెసర్, మాలి జీ77 గ్రాఫిక్స్ ప్రాసెసింగ్ యూనిట్ ఉంటాయి. అలాగే 8 జీబీ నుంచి 12 జీబీ వరకు ర్యామ్ తో మోడళ్లు అందుబాటులో ఉంటాయి.
వివో వీ25 సాధారణ మోడల్ లో మీడియా టెక్ డైమన్సిటీ 900 ప్రాసెసర్, మాలి జీ68 ప్రాసెసర్ ఉంటాయని టెక్ వెబ్ సైట్లు పేర్కొన్నాయి. ఈ వివో 25 ప్రో ఆరున్నర అంగుళాల పరిమాణంలో ఫుల్ హెచ్ డీ ప్లస్ డిస్ ప్లేతో ఉంటుంది. డిస్ ప్లే పై భాగంలో మధ్యన పంచ్ హోల్ విధానంలో 32 మెగాపిక్సెల్ ఫ్రంట్ కెమెరా ఉంటుందని టెక్ వెబ్ సైట్లు తెలిపాయి. ఫోన్ వెనుక భాగంలో 64 మెగాపిక్సెల్ సామర్థ్యంతో ట్రిపుల్ కెమెరా సెటప్ ఉంటుందని పేర్కొన్నాయి. కాగా ఈ ఫోన్ ధర ఎంత వరకు ఉండవచ్చు అన్న విషయంపై పూర్తి వివరాలు ఇంకా తెలియాల్సి ఉంది.
Follow us
