Bihar Accident: బీహార్ లో దారుణం.. ట్రక్కు దూసుకురావడంతో 12 మంది భక్తులు మృతి!

Bihar Accident

దేశవ్యాప్తంగా రోజురోజుకీ రోడ్డు ప్రమాదం లో మరణించే వారి సంఖ్య అంతకంతకు పెరుగుతోంది. రోడ్డు ప్రమాదాల కారణంగా నిత్యం కొన్ని వందల ప్రాణాలు గాల్లో కలిసిపోతున్నాయి. ఎంత జాగ్రత్తగా ఉన్నప్పటికీ రోడ్డు ప్రమాదాల సంఖ్య పెరుగుతూనే ఉంది. ఇది ఇలా ఉంటే తాజాగా బీహార్ రాష్ట్రంలో ఒక ఘోర రోడ్డు ప్రమాదం చోటుచేసుకుంది. భక్తుల పైకి ట్రక్కు దూసుకు రావడంతో ఏకంగా 12 మంది భక్తులు అక్కడికక్కడే మృతి చెందారు. పూర్తి వివరాల్లోకి వెళితే.. బీహార్ లోని వైశాలి జిల్లాలో దేస్రి పోలీస్ స్టేషన్ పరిధిలోని నయా గావ్ తోలా గ్రామంలో ఆదివారం రాత్రి 9 గంటల సమయంలో ఈ ఘటన చోటుచేసుకుంది.

హాజీపూర్, మహ్నర్ రోడ్డు పక్కన ఉన్న ఆలయంలో గ్రామస్తులు పూజ చేస్తూ ఉండగా ఇంతలోనే ఒక ట్రక్కు అదుపుతప్పి వారిపై దూసుకు వచ్చింది. దీంతో అక్కడున్న వారు ఒక్కసారిగా పరుగులు తీశారు. కానీ రోడ్డు పక్కనే పూజలు చేస్తున్న నలుగురు చిన్నారులతో పాటు మొత్తం 12 మంది అక్కడికక్కడే మృతి చెందారు. ఘటనలో గాయపడిన క్షతగాత్రులను హాజీపూర్ సదరు ఆసుపత్రికి తరలించినట్లు పోలీసులు వెల్లడించారు. అయితే అందులో కొందరి పరిస్థితి విషమంగా ఉన్నట్లు పోలీసులు తెలిపారు. 12 మందిలో తొమ్మిది మంది అక్కడే ప్రాణాలు కోల్పోగా మరొక ముగ్గురు ఆసుపత్రికి తరలిస్తుండగా మార్గం మధ్యలో చనిపోయినట్లు పోలీసులు తెలిపారు.

ఈ ఘటనపై ప్రధానమంత్రి నరేంద్ర మోడీ స్పందించారు. ఈ ప్రమాద ఘటన తనను ఎంతో బాధించిందని ట్విట్టర్ ద్వారా తెలిపారు. సోషల్ మీడియా వేదికగా మృతులకు కుటుంబాలకు తన ప్రగాఢ సానుభూతిని ప్రకటించారు. అదేవిధంగా క్షతగాత్రులు త్వరగా కోలుకోవాలని కోరుకుంటూ చనిపోయిన కుటుంబాలకు రెండు లక్షలు అలాగే గాయపడిన వారికి 50,000 ఎక్స్ గ్రేసియా ఇవ్వనట్లు ప్రధానమంత్రి కార్యాలయం ట్విట్ చేసింది. అయితే ఈ ఘటనపై బీహార్ ముఖ్యమంత్రి దినేష్ కుమార్ తీవ్ర విచారం వ్యక్తం చేస్తూ మృతుల కుటుంబాలకు ఒక్కొక్కరికి ఐదు లక్షల రూపాయలు అందించాలని అధికారులను ఆదేశించారు.

Follow us