Putin Offer : ప్రైవేట్ ఆర్మీలోని సైనికులకు పుతిన్ ఎమోషనల్ ఆఫర్

Putin Offer : ప్రైవేట్ సైన్యం వాగ్నర్ గ్రూప్ లోని  సైనికులకు రష్యా అధ్యక్షుడు పుతిన్ ఒక ఆఫర్ ఇచ్చాడు. వాగ్నర్ గ్రూప్ చీఫ్ యెవ్జెనీ ప్రిగోజిన్ బెలారస్ కు వెళ్లిపోయాడనే టాక్ వినిపిస్తున్న తరుణంలో ప్రెస్ మీట్ పెట్టిన పుతిన్ .. “వాగ్నర్ గ్రూప్ సైనికులు రష్యా  సైన్యంలో చేరండి.. లేదంటే ఇళ్లకు తిరిగి వెళ్లిపోండి.. మీరు యుద్ధ బరిలో వేరే పక్షాన నిలబడితే.. ఒక సోదరుడు తుపాకీ చేతపట్టి  మరో  సోదరుడి ముందు నిలబడినట్టుగా అనిపిస్తోంది” అని కామెంట్ చేశారు. ఒక రకంగా ఎమోషనల్ డైలాగ్ తో(Putin Offer) వారిని ప్రభుత్వ  సైన్యంలోని  ఆహ్వానించారు. “వాగ్నర్ గ్రూప్ యోధులు, కమాండర్లు నిజమైన దేశభక్తులు. వారు తమ ప్రజలకు, దేశానికి ద్రోహం చేయలేరు. వాళ్ళు రష్యా సైనికుల భుజంతో  భుజం కలిపి యుద్ధాలలో పోరాడారు” అని పుతిన్ ప్రశంసించారు. ఇప్పటికే వేలాది మంది వాగ్నర్ గ్రూప్ సైనికులు ఉక్రెయిన్ లోని రష్యా ఆక్రమిత ప్రాంతాల్లో విధుల్లో ఉన్నారు. వారంతా రష్యా ఆర్మీలో చేరిపోయే ఛాన్స్ ఉంది . ఎందుకంటే  వాగ్నర్ గ్రూప్ అధినాయకుడు ప్రిగోజిన్ ఇప్పుడు రష్యాలో లేడు. దీంతో ఆ గ్రూప్ లోని సైనికులకు పుతిన్ చూపిన మార్గమే దిక్కు.  

Also read :Panipuri in Train : ట్రైన్‌లో పానీపూరి.. బిజినెస్ ఐడియా భలే ఉందే..