Russian Aircraft Vs  American Drones : అమెరికా డ్రోన్ పై మంటలు చిమ్మిన రష్యా విమానాలు

Russian Aircraft Vs  American Drones : రష్యా, అమెరికా మధ్య జగడాలు ముదురుతున్నాయి.. 

సిరియా వేదికగా ఈ రెండు అగ్ర రాజ్యాల మధ్య మరో గొడవ జరిగింది..  

సిరియా గగనతలంపై ఎగురుతున్న తమ డ్రోన్‌లను రష్యా విమానాలు మళ్లీ వేధించాయని అమెరికా ఆర్మీ ఆరోపించింది. 

సిరియా దేశం వేదికగా జరిగిన ఈ గగనతల గొడవకు సంబంధించిన వీడియోను అమెరికా వైమానిక దళం విడుదల చేసింది. అమెరికా ఎయిర్ ఫోర్స్  కు చెందిన “MQ-9 రీపర్” డ్రోన్ వెళ్తున్న మార్గంలోకి రష్యన్ మిలిటరీ విమానాలు  SU-34, SU-35 లు మంటలను విడుదల  చేస్తున్నట్టు ఆ వీడియోలో ఉంది. జూలై 6న (గురువారం)  ఉదయం 9:30 గంటలకు ఈ ఘటన జరిగిందని అమెరికా తెలిపింది.

Also read : Modi Surname-Rahul Gandhi : రాహుల్ గాంధీపై దాఖలైన పరువు నష్టం కేసులో తీర్పు నేడే

సిరియాలోని ఇస్లామిక్ స్టేట్ జిహాదిస్ట్ గ్రూప్‌ శిబిరాలపై వైమానిక దాడులు చేస్తున్న అమెరికన్ డ్రోన్‌ పై రష్యా విమానాలు(Russian Aircraft Vs  American Drones) ఈ వేధింపులకు పాల్పడ్డాయని అమెరికా ఎయిర్ ఫోర్స్ లెఫ్టినెంట్ జనరల్ అలెక్సస్ గ్రిన్‌కేవిచ్ వెల్లడించారు. ఈ ఏడాది ప్రారంభంలో కూడా  నల్ల సముద్రం మీదుగా వెళ్తున్న తమ  డ్రోన్ ప్రొపెల్లర్‌ను రష్యా జెట్ క్లిప్ చేయడంతో..  అది క్రాష్ అయ్యిందని అమెరికా ఆరోపించింది. అయితే ఈ ఆరోపణను రష్యా అప్పట్లో తిరస్కరించింది.