International Flights: త్వ‌ర‌లో అంతర్జాతీయ విమానాల రాకపోకలపై ఆంక్ష‌లు ఎత్తివేత‌

అంతర్జాతీయ విమానాల రాక‌పోక‌ల‌పై ఆంక్ష‌ల‌ను ఎత్తివేసేందుకు కేంద్ర ప్ర‌భుత్వం సిద్ద‌మ‌వుతున్న‌ట్లు తెలుస్తుంది. ఈ నేప‌థ్యంలో కేంద్ర‌ హోం వ్యవహారాలు, ఆరోగ్యం మరియు కుటుంబ సంక్షేమం, పౌర విమానయాన మంత్రిత్వ శాఖలు మరియు డైరెక్టర్ జనరల్ ఆఫ్ సివిల్ ఏవియేషన్ (డిజిసిఎ) అధికారులతో కూడిన అంతర్-మంత్రిత్వ కమిటీ ఈ వారం సమావేశం కానుంది. ప్ర‌స్తుతం విమానాల రాక‌పోక‌ల‌పై ఆంక్ష‌లు ఫిబ్రవరి 28 వరకు అమలులో ఉంటుంది. ఈ సమావేశం భారతదేశంలోని కోవిడ్-19 పరిస్థితిని పరిగణనలోకి తీసుకుంటుంది. షెడ్యూల్ చేసిన అంతర్జాతీయ వాణిజ్య విమానాలను మార్చి 1 నుండి పునఃప్రారంభించవచ్చో లేదో నిర్ణయిస్తుందని వర్గాలు తెలిపాయి.

నిషేధాన్ని ఎత్తివేయాలని DGCA, పౌర విమానయాన మంత్రిత్వ శాఖ అధికారులు ప్రతిపాదించగా, కోవిడ్-19 పరిస్థితిని నిశితంగా పరిశీలిస్తున్న ఆరోగ్య మరియు కుటుంబ సంక్షేమ మంత్రిత్వ శాఖ నుండి తుది ఆమోదం వచ్చే అవకాశం ఉంది. “అంతర్జాతీయ ట్రాఫిక్ అధికంగా ఉన్న కొన్ని రాష్ట్రాలు ఇప్పటికీ COVID-19 కేసుల పెరుగుదలను చూపుతున్నందున ఆరోగ్య మంత్రిత్వ శాఖ అధికారులు ఈ నిర్ణయం తీసుకోలేదు” అని ప్రభుత్వ అధికారి తెలిపారు. పౌర విమానయాన మంత్రిత్వ శాఖ, DGCA అధికారులు ఈ వారం అంతర్గత మరియు అంతర్జాతీయ విమానయాన సంస్థల సీనియర్ అధికారులతో సమావేశం కానున్నారు, అంతర్జాతీయ విమానాలను పునఃప్రారంభించడం సజావుగా జరిగేలా చర్యలు తీసుకోవడంపై చ‌ర్చించ‌నున్నారు.