Golden Sweet for Raksha Bandhan: రాఖీ పండుగ కోసం ప్యూర్ గోల్డ్ స్వీట్ తయారీ.. ఎక్కడో తెలుసా?
భారతీయులు ఎంతో ఘనంగా, ఆనందంగా జరుపుకునే వాటిలో రాఖీ పూర్ణిమ పండుగ కూడా ఒకటి. దేశవ్యాప్తంగా ఉన్న
- By Nakshatra Published Date - 07:30 AM, Fri - 5 August 22
భారతీయులు ఎంతో ఘనంగా, ఆనందంగా జరుపుకునే వాటిలో రాఖీ పూర్ణిమ పండుగ కూడా ఒకటి. దేశవ్యాప్తంగా ఉన్న ప్రజలు కుల మతాలతో సంబంధం లేకుండా ఈ రాఖీ పూర్ణిమ పండుగను ఆనందంగా జరుపుకుంటూ ఉంటారు. మరి ముఖ్యంగా ఈ రాఖీ పూర్ణిమ పండుగను అత్యంత ఘనంగా రాజస్థాన్ లో జరుపుకుంటారు. రాజ్ పుత్ సైనికులు యుద్ధాలకు వెళ్ళేటప్పుడు వారి సోదరీమణులు వారికి రాఖీలు కట్టి పంపేవారు. అలా ఆ రాఖి వారికి విజయం అందిస్తుంది అని వారు భావించేవారు. ఆ విధంగా చారిత్రక అంశలతో మురిపడిన ఈ పండుగనాడు రాజస్థాన్ మహిళలు ఘవర్ అనే స్వీట్ తయారు చేసేవారు.
రాఖీ తో పాటు ఈ స్వీట్ ని కూడా సోదరులకు పెట్టేవారు. రాఖీ పూర్ణిమ సందర్భంగా తయారు చేసే ఈ స్వీట్ కీ దేశవ్యాప్తంగా మంచి డిమాండ్ ఉంది. ఈ స్వీట్ ని పిండి, నెయ్యి, షుగర్ సిరప్ తో కలిసి తయారు చేస్తారు. ఈ స్వీట్ ని ఎక్కువగా హర్యానా, ఢిల్లీ, గుజరాత్, పశ్చిమ ఉత్తరప్రదేశ్, మధ్యప్రదేశ్ ప్రజలు స్వీకరిస్తూ ఉంటారు. సాధారణంగా ఈ స్వీట్ కేజీ ధర మార్కెట్లో 600 రూపాయలు నుంచి 800 దాకా ఉంటుంది. ఒకవేళ ఆ స్వీట్ కి రకరకాల పండ్లు అలాగే డ్రై ఫ్రూట్స్ వంటివి జత చేస్తే దాని ద్వారా మరింత ఎక్కువగా ఉంటుంది. కానీ తాజాగా ఆగ్రాలో ఈ రాఖీ పూర్ణిమ సందర్భంగా ఈ ఘగ్ స్వీట్ ను ఇదేకంగా బంగారంతో తయారు చేశారు. 24 క్యారెట్ల ప్యూర్ గోల్డ్ తో తయారు చేసిన ఈ స్వీట్ కేజీ ధర రూ. 25 వేలు. అయితే ఈ స్వీట్ మొత్తం బంగారం ఉండదు. కేవలం స్వీట్ పైన పూత లాగా బంగారం ఉంటుంది.
#WATCH उत्तर प्रदेश: रक्षा बंधन को लेकर आगरा में खास तौर पर ‘गोल्डन घेवर’ बनाए जा रहे हैं। गोल्डन घेवर की कीमत 25,000 रुपए प्रति किलो है। इस घेवर की खासियत ये है कि इसके ऊपर 24 कैरेट के सोने की परत लगाई गई है। pic.twitter.com/cn1AQOyq8X
— ANI_HindiNews (@AHindinews) August 2, 2022
అయితే ఇది తినే బంగారం కాబట్టి ఈ స్వీట్ తినడం వల్ల ఎటువంటి అనారోగ్య సమస్యలు ఉండవు. అంతేకాకుండా ఆ బంగారం తినడం కూడా ఆరోగ్యానికి మంచిదే నట. ఆగ్రాలోని షా మార్కెట్ దగ్గరలో ఉన్న ఈ స్వీట్ షాప్ పేరు బ్రజ్ రసయన్ మిట్టన్ భండార్. ప్రస్తుతం ఈ స్వీట్ ను కొనేందుకు ఆగ్రా ప్రజలు తరలి వస్తున్నారు. కాగా ఈ స్వీట్స్ లో డ్రై ఫ్రూట్స్ అయినా పిస్తా, బాదం, వేరుశనగలు, వాల్నట్స్, వంటి వాటిని ఉపయోగించి బంగారం పూత పూసి, స్వీట్ పైన ఐస్ క్రీమ్ ఫ్లేవర్ తో మలాయ్ కూడా ఉంటుంది అని షాప్ ఓనర్ తుషార్ గుప్తా చెప్పుకొచ్చారు. ఈ స్వీట్ ని ఒక రెడ్ కలర్ బాక్సులో ప్యాక్ చేసి ఇస్తున్నారు. అయితే రెడ్ కలర్ బాక్స్ ఎంచుకోవడానికి కూడా కారణం ఉందట. రెడ్ కలర్ శుభానికి సూచిక కాబట్టి ఆ కలర్ బాక్స్ ని ఎంచుకున్నట్లు తెలిపారు. ఇందుకు సంబంధించిన వీడియో కూడా ప్రస్తుతం సోషల్ మీడియాలో వైరల్ అవుతుంది.
Related News
Raksha Bandhan : తమ్ముడంటే ఎంత ప్రేమ..రాఖీ కట్టేందుకు కాలినడకన 8 కిమీ నడిచిన 80 ఏళ్ల వృద్ధురాలు
తన తోడబుట్టిన తమ్ముడికి రాఖీ కట్టేందుకు ఏకంగా 8 కిమీ లు అది కూడా కాలికి చెప్పులు లేకుండా నడిచి వెళ్లి తన ప్రేమను పంచింది