Hidimba: యాక్షన్ థ్రిల్లర్ గా తెరకెక్కిన ‘హిడింబ’ షూటింగ్ కంప్లీట్!
యంగ్ అండ్ ప్రామిసింగ్ హీరో అశ్విన్ వైవిధ్యమైన సినిమాలు చేస్తూ త‌న‌కంటూ ఓ ప్రత్యేక‌త‌ను సంపాదించుకున్నారు. ప్రస్తుతం అశ్విన్
- By Balu J Published Date - 10:51 AM, Mon - 14 November 22
యంగ్ అండ్ ప్రామిసింగ్ హీరో అశ్విన్ వైవిధ్యమైన సినిమాలు చేస్తూ త‌న‌కంటూ ఓ ప్రత్యేక‌త‌ను సంపాదించుకున్నారు. ప్రస్తుతం అశ్విన్ కథానాయకుడిగా తెరకెక్కుతున్న డిఫరెంట్ యాక్షన్ థ్రిల్లర్ ‘హిడింబ’. అనీల్ క‌న్నెగంటి ద‌ర్శక‌త్వంలో శ్రీ విఘ్నేశ్ కార్తీక్ సినిమాస్‌ బ్యాన‌ర్‌ పై శ్రీధ‌ర్ గంగ‌ప‌ట్నం ఈ చిత్రాన్ని నిర్మిస్తున్నారు. నందితా శ్వేత హీరోయిన్‌గా న‌టిస్తున్న ఈ చిత్రం తాజాగా షూటింగ్ పూర్తి చేసుకుంది. ఇప్పటికే విడుదలైన ఈ చిత్రం ఫస్ట్ లుక్ , టీజర్ కు ట్రెమండస్ రెస్పాన్స్ వచ్చింది.
హైవోల్టేజ్ యాక్షన్ సీక్వెన్సులు ఆడియన్స్ ని థ్రిల్ చేశాయి. ఒక షాకింగ్ పాయింట్ తో, బ్రాండ్ న్యూ యాక్షన్ థ్రిల్లర్ గా తెరకెక్కిన ఈ సినిమా కోసం అశ్విన్ సరికొత్తగా మేకోవ‌ర్ అయ్యారు. మకరంద్ దేశ్ పాండే, సిజ్జు, రాజీవ్ క‌న‌కాల, శ్రీనివాస రెడ్డి, శుభ‌లేఖ సుధాక‌ర్‌, ర‌ఘు కుంచె , ఇతర కీలక పాత్రలు పోషిస్తున్న ఈ చిత్రానికి బి.రాజ‌శేఖ‌ర్ సినిమాటోగ్రాఫర్ గా వ్యవహిస్తున్నారు. వికాస్ బ‌డిసా సంగీతాన్ని అందిస్తున్నారు.
