Biggest Ever Drug Raid : వేలకోట్ల డార్క్ వెబ్ డ్రగ్స్ రాకెట్ బట్టబయలు

సీక్రెట్ గా దేశవ్యాప్తంగా డ్రగ్స్ అమ్ముతున్న అతిపెద్ద ముఠా గుట్టును నార్కోటిక్స్ కంట్రోల్ బ్యూరో (ఎన్సీబీ) మంగళవారం  రట్టు చేసింది. ఇప్పటివరకు దేశంలో మునుపెన్నడూ ఇంత భారీగా LSD డ్రగ్స్ పట్టుకోలేదని అధికార వర్గాలు తెలిపాయి. ఈ ముఠా ఇంటర్నెట్ లో అత్యంత రహస్యమయంగా ఉండే డార్క్ వెబ్ ద్వారా పని చేస్తోందని వెల్లడించాయి. డార్క్ వెబ్ లోనే డ్రగ్స్ ఆర్డర్స్ తీసుకొని.. ఆ తర్వాత ఆయా ప్రాంతాల్లోని తమ రహస్య ఏజెంట్ల ద్వారా సప్లై చేస్తుండేదని అధికారులు చెప్పారు.

Also read : Biggest Ever Drug Raid : వేల కోట్ల డార్క్ వెబ్ డ్రగ్స్ రాకెట్ బట్టబయలు

సైబర్ క్రైమ్ పోలీసులకు, నార్కోటిక్స్ కంట్రోల్ బ్యూరో  కంటపడకుండా ఉండేందుకు ఈ ముఠా సభ్యులు చాటింగ్స్ కూడా  డార్క్ వెబ్ లోనే చేసేవారని అధికారులు చెప్పారు. ఇందుకోసం ఆ గ్యాంగ్ సభ్యులు  ది ఆనియన్ రౌటర్ (ToR) అనే పేరు కలిగిన రహస్య బ్రౌజింగ్ సాఫ్ట్ వేర్ ను వాడేవారని  వివరించారు. హాలూసినోజెన్‌ కేటగిరిలోకి వచ్చే లైసెర్జిక్ యాసిడ్ డైథైలామైడ్ (LSD)  అనే  సింథటిక్ రసాయన ఆధారిత డ్రగ్  ని ఈ ముఠా సభ్యులు పెద్దఎత్తున సప్లై చేసేవాళ్ళని చెప్పారు. ఇప్పుడు వేల కోట్లు విలువ చేసే ఈ డ్రగ్ నే భారీ పరిమాణంలో పట్టుకున్నామని నార్కోటిక్స్ కంట్రోల్ బ్యూరో అధికారులు వెల్లడించారు.