May Day 2022: కార్మిక లోకం వర్ధిల్లాలి!
దేశదేశాల కార్మిక వీరులు శ్రమ విముక్తికై తమ నెత్తురు ధారపోసిన అచంచల పోరాట దీక్షను గుర్తు చేసుకునే రోజిది.
- Author : Balu J
Date : 01-05-2022 - 2:36 IST
Published By : Hashtagu Telugu Desk
దేశదేశాల కార్మిక వీరులు శ్రమ విముక్తికై
తమ నెత్తురు ధారపోసిన అచంచల పోరాట దీక్షను
గుర్తు చేసుకునే రోజిది.
సమసమాజ భవిష్యత్ చిత్ర పటాన్ని
రచించుకోవలసిన రోజిది.
బూర్జువా ప్రజాస్వామ్యం అని మనం ఈసడించే దానిలో ప్రజాస్వామ్యం ఈ మాత్రం వుందన్నా ,
దానికి శ్రామిక వర్గ పోరాటాలే కారణం.
మనుషులచే , గొఢ్ల కన్నా అధ్వాన్నంగా రోజుకు 16 గంటలు పని చేయించుకున్న సిగ్గులేని పెట్టుబడిదారీ వ్యవస్థ ఈ రోజు తానేదో ప్రజాస్వామ్యానికి ఛాంపియన్ గా ఫోజులు గొడుతోంది.
దాని అబద్ధాల ముసుగు చించాల్సిన రోజిది.
ప్రజాస్వామ్యం , హక్కులూ , మహిళా సమానత్వం ,ఉద్యోగ భద్రత , సార్వత్రిక విద్య , ఆరోగ్యం ఇలా నాగరికమైన అన్ని అంశాలూ , మానవాళికి కార్మిక వర్గం అందించిన కానుకలే.
ఆ కానుకలను హాయిగా అనుభవిస్తూ , పెట్టుబడిదారీ వ్యవస్థకు మద్దతిచ్చే నయవంచకులను ఎండగట్టాల్సిన రోజిది.
పెట్టుబడిదారీ దోపిడి నుండీ ,
పర్యావరణ విధ్వంసం నుండీ ,
వెకిలి ధనస్వామ్య సంస్కృతి నుండీ ,
అంతరాత్మ చచ్చిన డొల్లతనాల నుండీ
మానవాళిని కాపాడేది
కేవలం కార్మిక వర్గం మాత్రమే అని
ఎలుగెత్తి చాటాల్సిన రోజిది.
షికాగో అమరులనుండీ , ఫూలే , లోఖండే వరకూ
కార్మికులను సంఘటితం చేయడంలో
జీవితాలనే అర్పించిన నాయకులందరినీ
తలుచుకోవలసిన రోజిది.
మారిన పరిస్థితుల్లో శ్రమ విముక్తి పోరాటాన్ని
ముందుకెలా తీసుకు పోవాలో
కొత్త వ్యూహాల గూర్చి మేధో మధనం
చేయాల్సిన రోజు.
ఈ దేశాన్ని ఫాసిజం కోరల నుండీ తప్పించడంలో..
వామపక్షం పోషించాల్సిన పాత్ర గురించి లోతుగా చర్చించుకోవలసిన రోజిది.
జోహార్లు అమరవీరులారా !!
Lines by : Bhargava G
On the occasion of #InternationalLabourDay (#MayDay), CM Sri KCR has extended greetings to the working-class community. Hon'ble CM said, Telangana Govt. draws inspiration from May Day and implements slew of welfare and development programmes for the working classes. pic.twitter.com/kkfiByAm1z
— Telangana CMO (@TelanganaCMO) May 1, 2022
Follow us
