Gold Drop: వంటనూనెల నాణ్యతకు జాతీయ గుర్తింపు

హైదరాబాద్‌, డిసెంబర్‌ 04: వంటనూనెల పరిశ్రమలో గోల్డ్‌డ్రాప్‌ (Gold Drop) తన ప్రతిష్ఠను మరోసారి నిరూపించుకుంది. కౌన్సిల్‌ ఫర్‌ ఇండస్ట్రియల్‌ అండ్‌ ట్రేడ్‌ డెవలప్‌మెంట్‌ (సీఐటీడీ) నుండి గోల్డ్‌డ్రాప్‌ సంస్థకు ప్రతిష్టాత్మక జాతీయ అవార్డు (National Award) లభించింది. నాణ్యత, భద్రత, పోషకాల పరంగా ఉన్నత ప్రమాణాలను పాటించినందుకు ఈ అవార్డును గెలుచుకోవడం గోల్డ్‌డ్రాప్‌కు ఇది ఏడవసారి కావడం విశేషం.

తెలంగాణ రాష్ట్ర గవర్నర్‌ జిష్ణుదేవ్‌ వర్మ (Telangana State Governor Jishnudev Varma) చేతుల మీదుగా గోల్డ్‌డ్రాప్‌ సేల్స్‌ అండ్‌ మార్కెటింగ్‌ డైరెక్టర్‌ మితేష్‌ లోహియా (Marketing Director Mitesh Lohia) ఈ అవార్డును స్వీకరించారు. ఈ సందర్భంలో నాణ్యతపట్ల తమ సంస్థ చూపుతున్న కృషికి ఇది ప్రామాణికంగా నిలుస్తుందని ఆయన వ్యాఖ్యానించారు.

గోల్డ్‌డ్రాప్‌ వంటనూనెలకు నాణ్యతతో పాటు పరిశుభ్రత, పోషకాలు ప్రధాన లక్ష్యాలుగా ఉంటాయి. ‘చాలా చాలా లైట్‌ ఆల్వేస్‌ యాక్టివ్‌’ అనే వారి ట్యాగ్‌లైన్‌ను అనుసరిస్తూ వినియోగదారులకు ఉత్తమమైన వంటనూనెను అందించడంపై గోల్డ్‌డ్రాప్‌ ప్రత్యేక శ్రద్ధ చూపుతోంది. సంస్థ నాణ్యత ప్రమాణాల విషయంలో ఆవిష్కరణలకు తక్కువ ప్రాముఖ్యత ఇవ్వలేదు. సీఐటీడీ అవార్డు పొందడం గోల్డ్‌డ్రాప్‌ నిబద్ధతకు మరో ముద్ర అని పరిశ్రమ నిపుణులు అభిప్రాయపడ్డారు. ప్రతి సారి కొత్త ఆవిష్కరణలతో వినియోగదారులను ఆకట్టుకుంటున్న గోల్డ్‌డ్రాప్‌ ఇలాగే పరిశ్రమలో తన ప్రత్యేకతను నిలుపుకుంటోంది.

ఈ అవార్డు గోల్డ్‌డ్రాప్‌ సంస్థలో పని చేస్తున్న ఉద్యోగుల కృషికి కూడా ప్రతిఫలంగా నిలిచింది. వినియోగదారుల విశ్వాసాన్ని నిలుపుకోవడం తమకు గొప్ప ప్రేరణగా ఉందని మితేష్‌ లోహియా తెలిపారు. నాణ్యత, రుచి, పోషకాలు కలిగిన ప్రీమియం వంటనూనెల కోసం గోల్డ్‌డ్రాప్‌ అనేకమందికి మొదటి ఎంపికగా నిలుస్తోంది.

Read Also : Kakinada Port : జగన్ మాఫియా పై..ప్రజా ఉద్యమం పెల్లుబకాల్సిన అవసరం..?