Fire Accident: రాజస్థాన్‌లోని భూగర్భ పైపులైన్‌లో చెలరేగిన మంటలు!

Fire

రాజస్థాన్‌లోని సిరోహి నగరంలో గ్యాస్ సరఫరా కోసం వేసిన భూగర్భ పైపులైన్‌లో ఒక్కసారిగా మంటలు చెలరేగాయి. దీంతో ఒక్కసారిగా గందరగోళం నెలకొంది. వెంటనే పోలీసులకు, అగ్నిమాపక శాఖకు సమాచారం అందించారు. పోలీసులు, అగ్నిమాపక సిబ్బంది సంఘటనా స్థలానికి చేరుకుని మంటలను ఆర్పడం ప్రారంభించారు. తీవ్రంగా శ్రమించి మంటలను అదుపులోకి తెచ్చారు. ఆ తర్వాత ప్రజలు ఊపిరి పీల్చుకున్నారు.

సమాచారం ప్రకారం.. గుజరాత్ గ్యాస్ లిమిటెడ్ యొక్క భూగర్భ గ్యాస్ పైప్‌లైన్ నగరంలోని హౌసింగ్ బోర్డ్ ప్రాంతానికి సమీపంలోని కాండ్లా హైవే సమీపంలో వేయబడింది. ఆదివారం రాత్రి ఎయిర్‌స్ట్రిప్ ముందున్న గుంతలో నుంచి ఒక్కసారిగా మంటలు వచ్చాయి.  ప్రజలు సమీపంలోకి వెళ్లి చూడగా గ్యాస్ పైప్‌లైన్‌లో మంటలు వ్యాపించాయి. గ్యాస్‌ లీక్‌ కావడంతో దుర్వాసన కూడా వచ్చింది. కాసేపటికే మంటలు మరింతగా వ్యాపించాయి. 100 మీటర్ల దూరంలో నిలబడాలని ప్రజలకు సూచించారు.

ప్రజలు వెంటనే పోలీసులకు, అగ్నిమాపక సిబ్బందికి ఫోన్ చేసి సమాచారం అందించారు. పోలీసులు, అగ్నిమాపక సిబ్బంది ఘటనా స్థలానికి చేరుకున్నారు. ముందుగా అక్కడికి 100 మీటర్ల దూరంలో నిలబడాలని ప్రజలకు సూచించారు. అదే సమయంలో హైవేపై నుంచి వచ్చే వాహనాలు కూడా నిలిచిపోయాయి.  అనంతరం మంటలను ఆర్పే పని ప్రారంభించారు. ఈ సందర్భంగా మంటలు ఎట్టి పరిస్థితుల్లోనూ వ్యాపించకుండా విద్యుత్ సరఫరా ని ఆపేశారు.

Follow us