Free Coaching: నిరుద్యోగులకు అండగా నిలిచిన ఎమ్మెల్యే.. ఫ్రీ కోచింగ్ సెంటర్ ఏర్పాటు
వివిధ పోటీ పరీక్షలకు సిద్ధమవుతున్న అభ్యర్థులకు ఉచిత కోచింగ్ సెంటర్ని చొప్పదండి ఎమ్మెల్యే సుంకె రవిశంకర్ ఏర్పాటు చేశారు.
- By Hashtag U Published Date - 09:21 PM, Mon - 2 May 22
వివిధ పోటీ పరీక్షలకు సిద్ధమవుతున్న అభ్యర్థులకు ఉచిత కోచింగ్ సెంటర్ని చొప్పదండి ఎమ్మెల్యే సుంకె రవిశంకర్ ఏర్పాటు
చేశారు. వివిధ పోటీ పరీక్షలకు సిద్ధమవుతున్న 600 మంది అభ్యర్థులకు గంగాధర మండలం కురిక్యాలలో మూడు నెలల పాటు శిక్షణ ఇవ్వనున్నారు. ఉచిత కోచింగ్కు హాజరయ్యే అభ్యర్థులకు మధ్యాహ్న భోజనం ఏర్పాటు చేశారు.
సోమవారం గంగాధర మండలం మంగపేటలో ఉచిత కోచింగ్ కార్యక్రమాన్ని ఎమ్మెల్యే సుంకె రవిశంకర్ ప్రారంభించగా, జిల్లా కలెక్టర్ ఆర్వి కర్ణన్, పోలీస్ కమిషనర్ వి సత్యనారాయణ తదితరులు పాల్గొన్నారు. ఉచిత కోచింగ్ను ప్రారంభించి, కష్టపడి ఉన్నత స్థానాలు సాధించాలని కలెక్టర్ విద్యార్థులకు సూచించారు. రాష్ట్ర ప్రభుత్వ ఉద్యోగ నోటిఫికేషన్ను అతి పెద్దదిగా పేర్కొంటూ, ఉద్యోగ ఔత్సాహికులకు ఉచిత కోచింగ్ అందించాలని ఎమ్మెల్యే రవిశంకర్ తీసుకున్న నిర్ణయం పట్ల సత్యనారాయణ సంతోషం వ్యక్తం చేశారు.
నీళ్లు, నిధులు, ఉద్యోగాల ప్రధాన డిమాండ్లతో ప్రత్యేక తెలంగాణ కోసం ఆందోళనలు చేశామని ఎమ్మెల్యే రవిశంకర్ అన్నారు. సాగునీటి ప్రాజెక్టుల నిర్మాణంతో నీటి సమస్య తీరిపోగా, నిధుల ప్రవాహం కొనసాగుతోందని.. ఉద్యోగాల భర్తీని పెద్దఎత్తున చేపట్టారని తెలిపారు.. నిరుద్యోగ యువత సీరియస్గా ప్రిపేర్ అయ్యి ఉద్యోగాలు పొందాలని సూచించారు. ఉచిత కోచింగ్కు హాజరయ్యే అభ్యర్థులకు ఉచితంగా పుస్తకాలు, మధ్యాహ్న భోజనం అందించాలని సూచించారు. ఈ అవకాశాన్ని అభ్యర్థులు సద్వినియోగం చేసుకోవాలని ఎమ్మెల్యే సూచించారు.
Related News
Free Coaching: గుడ్ న్యూస్.. ఆ అభ్యర్థులకు ఫ్రీ కోచింగ్
Free Coaching: తెలంగాణ రాష్ట్ర ప్రభుత్వ గిరిజన సంక్షేమ శాఖ PETC హైదరాబాద్లో ఏప్రిల్ 2న ప్రారంభమయ్యే కుటుంబ ఆదాయం రూ. 3 లక్షల కంటే తక్కువ ఉన్న అర్హతగల ST, SC మరియు BC అభ్యర్థులకు ఉచిత రైల్వే రిక్రూట్మెంట్ బోర్డ్ అసిస్టెంట్ లోకో పైలట్ ఎగ్జామినేషన్ కోచింగ్ను ప్రకటించింది. ఎస్టీలకు 75, ఎస్సీలకు 15, బీసీలకు 10, మహిళలకు 1/3వ వంతు సీట్లు కేటాయించారు. ఆసక్తి గల అభ్యర్థులు మార్చి 15 మరియు మార్చి […]