China: చైనా ప్రజలకు మరో టెన్షన్.. త్వరగా పెళ్లి చేసుకుంటే అవార్డ్స్?

China

ప్రస్తుతం భారత్ ప్రపంచదేశాలను శాసిస్తున్న విషయం తెలిసిందే. ఎక్కడ చూసినా కూడా భారత్‌ యువతే కీలక బాధ్యతల్లో ఉన్నారు. అయితే, మరికొన్ని దేశాలను ఇది కలవరపెడుతోంది. జననాల రేటు గణనీయంగా పడిపోవడంతో చైనా లాంటి దేశాల్లో కొత్త ఆందోళనలు నెలకొన్నాయి. అయితే, ఈ సమస్యకు చెక్‌ పెట్టుందుకు అప్రమత్తం అవుతోంది చైనా సర్కార్‌ ఉద్యోగాలు, ఉపాధి అంటూ పెళ్లిని వాయిదా వేస్తున్న నేటి తరాన్ని పెళ్లివైపు అడుగులు వేసేలా రివార్డులు ప్రకటించింది. ఆ వివరాల్లోకి వెళితే.. 25 ఏళ్లు లేదా అంతకంటే ముందుగానే వివాహం చేసుకునే యువతులకు మాత్రమే ఈ రివార్డు అందించనుంది.

చైనాలోని జెజియాంగ్ రాష్ట్రంలోని చాంగ్‌షాన్‌ కౌంటీ ఈ మేరకు నిర్ణయం ఒక నిర్ణయం తీసుకుంది. గత వారం చాంగ్‌షాన్ కౌంటీ యొక్క అధికారిక వెచాట్ ఖాతాలో ప్రచురించబడిన నోటీసు ప్రకారం.. మొదటి త్వరగా వివాహాలు చేసుకునేలా మరియు పిల్లలను కనడాన్ని ప్రోత్సహించేలా రివార్డు ఉంటుందట. వధువు వయసు 25 లేదా అంతకంటే తక్కువ వయస్సు ఉన్నట్లయితే, తూర్పు చైనాలోని ఒక కౌంటీ జంటలకు 1,000 యువాన్ల అనగా 137 డాలర్లు రివార్డ్‌గా ప్రకటించింది. జననరేటు తగ్గుముఖం పట్టడంపై పెరుగుతున్న ఆందోళన మధ్య యువకులను వివాహం చేసుకునేలా ప్రోత్సహించడానికి ఈ చర్యకు పూనుకుంది. ఇది పిల్లలను కలిగి ఉన్న జంటలకు పిల్లల సంరక్షణ, సంతానోత్పత్తి విద్య సబ్సిడీల శ్రేణిని కూడా కలిగి ఉంది.

ఆరు దశాబ్దాలలో చైనా మొదటి జనాభా తగ్గుదల ఓవైపు వృద్ధాప్య జనాభా పెరగడం మరోవైపు ఆందోళనకు గురిచేస్తోంది. ఆర్థిక ప్రోత్సాహకాలు మరియు మెరుగైన పిల్లల సంరక్షణ సౌకర్యాలతో సహా జనన రేటును పెంచడానికి కూడా అత్యవసరంగా అనేక చర్యలకు పూనుకుంటుంది. ఇక, చైనా చట్టబద్ధమైన వివాహ వయో పరిమితి మగవారికి 22 ఏళ్లు ఆడవారికి 20 ఏళ్లుగా ఉంది. కానీ పెళ్లి చేసుకునే జంటల సంఖ్య తగ్గుతోంది. ఒంటరి మహిళలకు పిల్లలను కనడం కష్టతరం చేసే అధికారిక విధానాల కారణంగా ఇది జననాల రేటును తగ్గించింది. జూన్‌లో విడుదల చేసిన ప్రభుత్వ గణాంకాల ప్రకారం వివాహాల రేటు 2022లో రికార్డు స్థాయిలో 6.8 మిలియన్లకు చేరుకున్నాయి. ఇది 1986 తర్వాత కనిష్ట స్థాయి. 2021తో పోలిస్తే గత సంవత్సరం 800,000 తక్కువ వివాహాలు జరిగాయి. చైనా సంతానోత్పత్తి రేటు, ఇప్పటికే ప్రపంచంలోనే అత్యల్పంగా ఉంది, 2022లో రికార్డు స్థాయిలో 1.09కి పడిపోయిందని స్థానిక మీడియా నివేదించింది. ఈ పరిస్థితులు 140 కోట్లకు పైగా జనాభా కలిగిన చైనాను భవిష్యత్‌ భయపెడుతోంది.

Follow us