Bheemla Nayak: ‘పవన్’ ఫ్యాన్స్ కు గుడ్ న్యూస్… ఓ రేంజ్ లో ‘భీమ్లా నాయక్’ ట్రైలర్ …!!

ప్రపంచ వ్యాప్తంగా ఉన్న పవన్ కళ్యాణ్ ఫ్యాన్స్ ఎంతో ఈగర్ వెయిట్ చేస్తున్న ఫిల్మ్ ‘భీమ్లా నాయక్’. ‘వకీల్ సాబ్’ సినిమా తర్వాత వస్తున్న చిత్రం ‘భీమ్లా నాయక్’ కావడంతో… అంచనాలు ఆకాశాన్నంటాయి. ‘అయ్యప్పనుమ్ కోషియోమ్’ కి రిమేక్ గా ఈ మూవీ వస్తున్న సంగతి తెలిసిందే. ‘భీమ్లా నాయక్’ కు పవన్ బెస్ట్ ఫ్రెండ్ మరియు మాటల మాంత్రికుడు త్రివిక్రమ్ ఎంతో శ్రద్దపెట్టి పవర్ స్టార్ అభిమానులను దృష్టిలో పెట్టుకుని మాటలు రాశారు. స్క్రీన్ ప్లే కూడా త్రివిక్రమే అందిస్తున్నారు. సాగర్ కే చంద్ర దర్శకత్వంలో తెరకెక్కిన ఈ చిత్రం వాస్తవానికి సంక్రాంతి పండుగ సందర్భంగా విడుదల కావాల్సింది.

కానీ అదే సమయంలో దర్శకధీరుడు రాజమౌళి తెరకెక్కించిన ‘ఆర్ఆర్ఆర్’ తో పాటు, ప్రభాస్ ‘రాధేశ్యామ్’ సినిమాలు విడుదల చేస్తున్నట్లు ప్రకటించారు. ఈ రెండు పాన్ ఇండియా చిత్రాల కోసం పవన్ సినిమాను వాయిదా వేయాల్సిందిగా సదరు నిర్మాతలు కోరడంతో…. పెద్దమనుసు చేసుకుని, ఇండస్ట్రీ బాగుండాలని ‘భీమ్లా నాయక్’ ను వాయిదా వేశారు. ఆ తర్వాత కరోనా పరిస్థితుల కారణంగా ‘ఆర్ఆర్ఆర్’, ‘రాధేశ్యామ్’ లు కూడా వాయిదా పడిన విషయం తెలిసిందే.

ఇదిలా ఉంటే… తాజాగా ‘భీమ్లా నాయక్’ ట్రైలర్ గురించి సరికొత్త వార్త ఒకటి సామాజిక మాధ్యమాల్లో వైరల్ అవుతోంది. అదేంటంటే… ‘భీమ్లా నాయక్’ ట్రైలర్ డ్యూరేషన్ గురించే. పవన్ తాజా చిత్రం ట్రైలర్ నిడివి వచ్చి రెండు నిమిషాల 20 సెకండ్స్ ఉందని సోషల్ మీడియాలో ఓ వార్త చక్కర్లు కొడుతోంది. కాగా, సినిమాలో హై ఎలివేషన్ షాట్స్ ను ట్రైలర్ లో చూపించనున్నారని తెలుస్తోంది. ‘భీమ్లా నాయక్’ లో పవన్, రానాల నటన ఓ లెవెల్ లో ఉంటుందని ఇండస్ట్రీలో టాక్ నడుస్తోంది. ముఖ్యంగా మ్యూజిక్ సెన్సేషన్ తమన్ అందించిన సంగీతం, టైటిల్ సాంగ్ ఇప్పటికే దుమ్ముదులపడంతో… ఈ చిత్రంపై భారీ అంచనాలే నెలకొన్నాయి.

ఈ సినిమా వరల్డ్ వైడ్ గా అత్యధిక థియేటర్లలో ఫిబ్రవరి 25న కానీ, ఏప్రిల్ 1న కానీ విడుదల కానుంది. ‘భీమ్లా నాయక్’ తో పవర్ స్టార్ పవన్ కళ్యాణ్ తన పవర్ ఏంటో చూపించబోతున్నాడని… కొత్త రికార్డులు నమోదుకావడం పక్కా అని ఆయన అభిమానులు చర్చించుకుంటున్నారు. మరి భీమ్లా నాయక్ తో పవన్ ఎన్ని రికార్డులు కొల్లగొడతాడో అన్నది వేచి చూడాలి.

Follow us