Lemon Water: ఉదయాన్నే లెమన్ వాటర్ తాగితే ఏమౌతుందో తెలుసా..!

ప్రతిరోజూ…టీ లేదా కాఫీ తాగే బదులుగా లెమన్ వాటర్ తాగుతే…ఆరోగ్యానికి ఎన్నో ప్రయోజనాలు చేకూరుతాయి. లెమన్ లో విటమిన్ సి పుష్కలంగా ఉంటుంది. దీన్ని ప్రతిరోజూ తీసుకున్నట్లయితే ఎన్నో రోగాలు తొందరగా నయం చేస్తుంది. అంతేకాదు రోగనిరోధకశక్తి పెరగడంతోపాటు శరీర బరువు కూడా సులభంగా తగ్గించుకోవచ్చు. ఈ సిట్రస్ ఫ్రూట్ లో సిట్రిక్ యాసిడ్ ఎక్కువ మోతాదులో లభిస్తుంది. ఇది ఆరోగ్యానికే కాదు…అందమైన చర్మానికి ఎంతో ఉపయోగపడుతుంది. అందుకే ప్రతిరోజూ పరిగడుపున చాయ్ లేదా కాఫీలకు బదులుగా లెమన్ వాటర్ తాగడం ఆరోగ్యానికి ఎంతో మంచిదని చెబుతున్నారు ఆరోగ్య నిపుణులు.

ఇంతకీ నిమ్మకాయ నీళ్లు తాగితే ఎలాంటి ప్రయోజనాలు పొందుతారో తెలుసుకుందాం…

* ఈరోజుల్లో చాలా మంది అధిక బరువుతో బాధపడుతున్నారు. దీనికి కారణాలు చాలానే ఉన్నాయి. అయినప్పటికీ శరీర బరువు పెరగడంతో ఎన్నో అనారోగ్య సమస్యలు ఎదుర్కోవల్సి వస్తుంది. అందుకే బరువును తగ్గించుకోవాలి. అయితే శరీర బరువును సులభంగా తగ్గించుకోవడంలో నేచురల్ రెమెడీగా నిమ్మకాయ వాటర్ ఎంతో ఉపయోపడుతుంది. దీన్ని ప్రతిరోజూ పరిగడపునే గోరువెచ్చని నీళ్లతో కలిపి తీసుకోవాలి. ఇలా చేస్తే అధిక బరువు సమస్య నుంచి సులభం బయటపడొచ్చు. నిమ్మకాయలో ఉండే పాలీఫినాల్ అనే యాంటీ ఆక్సిడెంట్లు బరువు తగ్గేలా చేస్తాయి.

* ఇక క్రమం తప్పకుండా నిమ్మకాయ వాటర్ తాగడం వల్ల ఎన్నో ప్రయోజనాలు పొందవచ్చు. శ్వాస సంబంధిత సమస్యలను నివారిస్తుంది. లివర్ ను శుభ్రపరుస్తుంది. వికారం వంటి సమస్యలు వచ్చే ఆస్కారం ఉండదు. నిమ్మకాయలో ఉండే యాంటీ ఆక్సిడెంట్లు మన శరీరానికి చాలా మేలును కలిగిస్తాయి.

* కాగా కాలాలతో సంబంధం లేకండా చర్మం మెరిసిపోవాలన్నా…ముడతలు లేని చర్మం కావాలన్నా విటమిన్ సీ ఎంతో తోడ్పడుతుంది. కాబట్టి ఈ సమస్యలన్నింటికి చక్కటి పరిష్కారం నిమ్మకాయ వాటర్. సూర్య కిరణాల వల్ల చర్మం కమిలిపోకుండా చేసే శక్తి నిమ్మకాయలో ఉంది. మలబద్దకం సమస్యతో బాధపడేవారికి చక్కటి చిట్కాలా సహాయపడుతుంది. దగ్గు, జలుబు, అలర్టీలు, ఆస్తమా వంటి సమస్యలను తగ్గించడంలోనూ నిమ్మకాయ మంచి ఔషదంలా పనిచేస్తుంది.