No To Salary : దేశం కోసం శాలరీ వదులుకుంటా.. అధ్యక్షుడి ప్రకటన
No To Salary : పాకిస్తాన్ కొత్త అధ్యక్షుడు ఆసిఫ్ అలీ జర్దారీ దేశం కోసం సంచలన నిర్ణయం తీసుకున్నారు.
- By Pasha Published Date - 11:49 AM, Wed - 13 March 24
No To Salary : పాకిస్తాన్ కొత్త అధ్యక్షుడు ఆసిఫ్ అలీ జర్దారీ దేశం కోసం సంచలన నిర్ణయం తీసుకున్నారు. అధ్యక్షుడి హోదాలో తనకు లభించే నెలవారీ వేతనాన్ని వదులుకుంటానని ఆయన ప్రకటించారు. పాకిస్తాన్ ఆర్థిక సంక్షోభంలో కొట్టుమిట్టాడుతున్న ప్రస్తుత పరిస్థితుల్లో తాను శాలరీ తీసుకోలేనని స్పష్టం చేశారు. ఈ మేరకు పాక్ అధ్యక్ష సచివాలయం ఓ అధికారిక ప్రకటన విడుదల చేసింది. ‘‘ప్రస్తుత ఆర్థిక సవాళ్లను దృష్టిలో ఉంచుకొని దేశ అధ్యక్షుడు జర్దారీ తన వేతనాన్ని తీసుకోకూడదని నిర్ణయించుకున్నారు’’ అని ఆ ప్రకటనలో పేర్కొన్నారు. ఇదే అంశంపై అధ్యక్షుడు జర్దారీకి చెందిన పాకిస్తాన్ పీపుల్స్ పార్టీ(పీపీపీ) ట్విట్టర్ (ఎక్స్) వేదికగా స్పందించింది. ‘‘దేశానికి సాయం చేయడానికి అధ్యక్షుడు జర్దారీ తన పదవీ కాలంలో ఇకపై ఎలాంటి జీతం తీసుకోరు. ఆర్థిక నిర్వహణ, జాతీయ ఆదాయంపై భారం పడకూడదనే ఉద్దేశంతోనే ఆయన వేతనాన్ని వదులుకుంటున్నారు’’ అని వెల్లడించింది. కాగా, పాకిస్తాన్ హోంమంత్రి మొహ్సిన్ నఖ్వీ సైతం దేశం కోసం నెలవారీ వేతనాన్ని(No To Salary) వదులుకుంటానని ప్రకటించారు.
We’re now on WhatsApp. Click to Join
- పాకిస్తాన్ మాజీ అధ్యక్షుడు ఆరిఫ్ అల్వీకి ప్రతి నెలా దాదాపు రూ.8.46 లక్షల జీతం వచ్చేది. ఈ వేతనాన్ని 2018 సంవత్సరంలో పాకిస్తాన్ పార్లమెంటు నిర్ణయించింది.
- పాకిస్తాన్ పీపుల్స్ పార్టీ(పీపీపీ) కో ఛైర్మన్ గా ఉన్న జర్ధారీ మార్చి 9న అధ్యక్షుడిగా ఎన్నికవ్వగా మరుసటి రోజే ప్రమాణ స్వీకారం చేశారు.
- అంతకుముందు 2008 నుంచి 2013 వరకు కూడా పాకిస్తాన్ అధ్యక్షుడిగా జర్ధారీ సేవలందించారు.
- రెండోసారి పాక్ అధ్యక్షుడిగా ఎన్నికైన ఏకైక వ్యక్తి జర్దారీ కావడం విశేషం.
- జర్దారీ ఈసారి అధ్యక్షుడు కాగానే కీలక నిర్ణయం తీసుకున్నారు. తనకు చేదోడుగా ఉంటున్న చిన్న కుమార్తె ఆసిఫాను దేశ ప్రథమ మహిళగా ప్రకటించారు.
- జర్దారీ భార్య బెనజీర్ భుట్టో హత్యకు గురయ్యారు. దేశ ప్రథమ మహిళ స్థానం ఖాళీగా ఉండటంతో.. తన ప్రత్యేక అధికారాలను వినియోగించుకొని చిన్న కుమార్తెకు ఆ అవకాశాన్ని కల్పించారు.
Also Read : 234 Fighters Killed : 234 మంది ఫైటర్లు హతం.. బార్డర్లో హైఅలర్ట్
- అధ్యక్షుడి జీవిత భాగస్వామి చనిపోయిన సందర్భాల్లో. ఆ స్థానంలో ఉన్న వ్యక్తి కుమార్తెలు, సోదరీమణులు లేదా మేనకోడళ్లకు ప్రథమ మహిళ హోదా ఇవ్వడం కొన్ని దేశాల్లో సంప్రదాయంగా వస్తోంది.
- అమెరికా మాజీ అధ్యక్షుడు ఆండ్రూ జాక్సన్ తన హయాంలో తన మేనకోడలు ఎమ్లీ డోనెల్సన్ను దేశ ప్రథమ మహిళగా ప్రకటించారు.
- అమెరికాలో మరో ఇద్దరు మాజీ అధ్యక్షులు చెస్టర్ ఆర్థర్, గ్రోవర్ క్లీవ్ల్యాండ్ తమ సోదరీమణులకు దేశ ప్రథమ మహిళ (First Lady) హోదాను కల్పించారు.
Related News
First Lady : దేశ ప్రథమ మహిళగా అధ్యక్షుడి కుమార్తె.. కీలక నిర్ణయం
First Lady : పాకిస్తాన్ పీపుల్స్ పార్టీ(పీపీపీ) కో ఛైర్మన్ ఆసిఫ్ అలీ జర్దారీ రెండోసారి దేశాధినేతగా బాధ్యతలు చేపట్టారు.