KCR:వీహెచ్పీ వాళ్ళు.. ఢిల్లీ పోలీసులపై యుద్ధం ప్రకటిస్తారా – కేంద్ర హోం మంత్రి అమిత్ షా కు కేటీఆర్ ప్రశ్నలు

Ktr Amit Shah

విశ్వ హిందూ పరిషత్ (వీహెచ్పీ) పై తెలంగాణ మంత్రి కేటీఆర్ విరుచుకుపడ్డారు. ఢిల్లీలోని జహంగీర్ పురిలో హనుమాన్ శోభాయాత్ర సందర్భంగా చోటుచేసుకున్న ఘటనలతో సంబంధం ఉన్న వీహెచ్పీ కార్యకర్తలను ఆ సంస్థ వెనకేసుకు రావడాన్ని ఆయన తప్పుపట్టారు. వీహెచ్పీ కార్యకర్తలపై ఏవైనా చర్యలు తీసుకుంటే .. ఢిల్లీ పోలీసులపై యుద్ధాన్ని ప్రకటిస్తామని వీహెచ్పీ నాయకత్వం హెచ్చరికలు చేయడాన్ని కేటీఆర్ ఖండించారు. వీహెచ్పీ అనేది.. మన దేశ అత్యున్నత చట్టాల కంటే పెద్దదా ?

చట్టాలకు అతీతమైందా ? అని ప్రశ్నించారు. ‘ ఢిల్లీ పోలీసులపై ఇష్టం వచ్చినట్టు మాట్లాడుతున్న వీహెచ్పీ ని ఎందుకు ఉపేక్షిస్తున్నారు ? ‘అని కేంద్ర హోమ్ మంత్రి అమిత్ షాను ఆయన నిలదీశారు. ‘ నేరుగా మీ పరిధిలో పనిచేసే ఢిల్లీ పోలీసులపై వీహెచ్పీ ఇలాంటి మాటలు మాట్లాడుతుంటే .. ఎందుకు ఊరుకుంటున్నారు?’ అని ప్రశ్నించారు. కాగా, ఢిల్లీలోని జహంగీర్ పురిలో వీహెచ్పీ .. పోలీసుల అనుమతులు తీసుకోకుండానే హనుమాన్ శోభాయాత్ర నిర్వహించింది. ఈ వ్యవహారంలో ఎఫ్ఐఆర్ నమోదు చేసిన ఢిల్లీ పోలీసులు , ఒక వీహెచ్పీ నాయకుడిని కూడా అరెస్టు చేశారు. దీంతో ఢిల్లీ పోలీసులను టార్గెట్ చేస్తూ పలువురు వీహెచ్పీ నేతలు వ్యాఖ్యలు చేశారు.

Follow us