Jagan Covid Review Meet : కోవిడ్‌ పరిస్థితులపై సీఎం సమీక్ష
కోవిడ్‌లో ఒమిక్రాన్‌ లాంటి కొత్త వేరియంట్‌ నేపథ్యంలో మార్పు చేయాల్సిన మందుల విషయంలో తగిన జాగ్రత్తలు తీసుకోవాలని సీఎం జగన్ ఉన్న‌తాధికారుల‌ను సూచించారు. ఆమేరకు హోం కిట్‌లో మార్పులు చేయాలి, వైద్యనిపుణులతో సంప్రదించి ఇవ్వాల్సిన మందులను సిద్ధంచేయాల‌ని చెప్పారు.
- By Hashtag U Published Date - 02:52 PM, Mon - 10 January 22
కోవిడ్‌లో ఒమిక్రాన్‌ లాంటి కొత్త వేరియంట్‌ నేపథ్యంలో మార్పు చేయాల్సిన మందుల విషయంలో తగిన జాగ్రత్తలు తీసుకోవాలని సీఎం జగన్ ఉన్న‌తాధికారుల‌ను సూచించారు. ఆమేరకు హోం కిట్‌లో మార్పులు చేయాలి, వైద్యనిపుణులతో సంప్రదించి ఇవ్వాల్సిన మందులను సిద్ధంచేయాల‌ని చెప్పారు. మ‌రోవైపు అత్య‌వ‌స‌ర స‌మ‌యాల్లో 104 కాల్‌ సెంటర్‌ను బలంగా ఉంచాలన్నారు. ఎవరు కాల్‌చేసినా వెంటనే స్పందించేలా తగిన చర్యలు తీసుకోవాలన్న సీఎం, కోవిడ్‌ కేర్‌ సెంటర్లను కూడా సిద్ధం చేయాలని ఆదేశాలు జారీ చేశారు. వీటితో పాటు మ‌రికొన్ని సూచ‌న‌లు కూడా చేశారు సీఎం జగన్.
-
నియోజకవర్గానికి ఒక కోవిడ్‌ కేర్‌ సెంటర్‌ను ఏర్పాటు చేయాలన్న సీఎం
-
అక్కడ అన్ని సౌకర్యాలు ఏర్పాటుచేసేలా తగిన చర్యలు తీసుకోవాలన్న సీఎం
-
కోవిడ్‌ నివారణా చర్యలను సమర్థవంతంగా అమలు చేయాలన్న సీఎం
-
భౌతిక దూరం పాటించేలా, మాస్క్‌లు కచ్చితంగా ధరించేలా చూడాలన్న సీఎం
-
మాస్క్‌లు ధరించకపోతే జరిమానాను కొనసాగించాలన్న సీఎం
-
దుకాణాల్లో, వ్యాపార సముదాయాల్లో కోవిడ్‌ ఆంక్షలు పాటించేలా చూడాలన్న సీఎం
-
బస్సు ప్రయాణికులు కూడా మాస్క్‌ ధరించేలా చూడాలన్న సీఎం
-
బహిరంగ ప్రదేశాల్లో 200 మంది, ఇన్‌డోర్స్‌లో 100 మంది మించకుండా చూడాలని ఆదేశం
-
థియేటర్లలో సీటు మార్చి సీటుకు అనుమతించాలని ఆదేశం, మాస్క్‌తప్పనిసరి చేయాలని ఆదేశం
-
రాత్రి 11 గంటలనుంచి ఉదయం 5 గంటలవరకూ కర్ఫ్యూ ఉంచాలని ఆదేశం
-
దేవాల‌యాలు, ప్రార్థనా మందిరాల్లో కూడా భౌతిక దూరం పాటించేలా, మాస్క్‌ ధరించేలా చూడాలన్న సీఎం
-
ఈ మేరకు మార్గదర్శకాలు విడుదలచేయనున్న వైద్య ఆరోగ్యశాఖ
