Seethakka: మావోయిస్టు నుంచి మంత్రిదాకా, సీతక్క పొలిటికల్ జర్నీ విశేషాలు

Seethakka: ములుగు ఎమ్మెల్యే సీతక్క ఇటీవల జరిగిన ఎన్నికల్లో 33,700 ఓట్ల మెజార్టీతో హ్యాట్రిక్ సాధించారు. వరుసగా మూడో విజయం సాధించిన సీతక్క తెలంగాణ మంత్రివర్గంలో చోటు దక్కించుకుంది. ఒకప్పుడు మావోయిస్టు దళంలోపనిచేసిన ఆమె మంత్రిదాకా ఎదిగారంటే సీతక్క విజయ ప్రస్థానం ఎలాంటిదో అర్ధం చేసుకోవచ్చు. తెలంగాణ మంత్రివర్గంలోకి సీతక్కకూడా చోటు దక్కించుకుంది. ఉప ముఖ్యమంత్రి పదవికి సీతక్క పేరును రేవంత్ రెడ్డి ప్రతిపాదించగా, దానికి మల్లు భట్టి విక్రమార్క తీవ్ర వ్యతిరేకత వ్యక్తం చేసినట్లు సమాచారం. కాగా ముఖ్యమంత్రి స్థానానికి పోటీ పడుతున్న వారిలో మల్లు భట్టి కూడా ఒకరు.

వరంగల్ జిల్లా ములుగు నుంచి సీతక్క వరుసగా మూడోసారి విజయం సాధించారు. ఆమె బీఆర్‌ఎస్ అభ్యర్థిపై 33,700 ఓట్ల మెజారిటీతో గెలుపొందారు. మాజీ నక్సలైట్, సీతక్క ఛత్తీస్‌గఢ్ సరిహద్దులో ఉన్న ములుగులోని జగ్గన్నపేట గ్రామానికి చెందినది. నియోజక వర్గంలో 75 శాతం మంది లోతైన అటవీ ప్రాంతాల్లో నివసిస్తున్న గిరిజనులు అధికంగా ఉన్నారు. కోవిడ్ సమయంలో అటవీ ప్రాంతాలలో నివసించే బలహీన గిరిజన వర్గాలకు సీతక్క చేసిన సేవలు ఆమె దేశవ్యాప్త దృష్టిని ఆకర్షించాయి. పదో తరగతి తర్వాత 1988లో నక్సలైట్ ఉద్యమంలోకి ప్రవేశించింది.

ఆమె కొద్దికాలంలోనే దళం నాయకురాలిగా లేదా గ్రూప్ కమాండర్‌గా మారింది. నక్సలిజంలో పాల్గొన్న ఆమె సోదరుడు మరియు భర్త కూడా పోలీసు ఎన్‌కౌంటర్‌లో మరణించారు. అయితే ఉమ్మడి ఆంధ్రప్రదేశ్ లో సీతక్క అడవుల్లో గిరిజనుల అభ్యున్నతి కోసం పనిచేస్తున్న ఒక NGOతో సంబంధం కలిగి ఉంది. ఆ తర్వాత 2009 అసెంబ్లీ ఎన్నికల్లో ములుగు నుంచి గెలుపొందింది. అయితే తెలంగాణ ఏర్పడిన తర్వాత ఆమె తెలుగుదేశం పార్టీని వీడి రేవంత్ రెడ్డితో కలిసి కాంగ్రెస్‌లో చేరారు. వరుసగా మూడోసారి గెలుపొంది క్యాబినెట్ లో బెర్త్ దక్కించుకున్నారు.