Karnataka Surgeon Video: డాక్టర్ యూఆర్ గ్రేట్.. ట్రాఫిక్ లో కారు స్ట్రక్, రన్నింగ్ చేసి రోగికి సర్జరీ!
డ్యూటీ.. అంటే కొందరికి దైవంతో సమానం. ఎలాంటి కష్టపరిస్థితుల్లోనైనా తమ విధులను నిర్వహిస్తుంటారు.
- By Balu J Published Date - 03:48 PM, Mon - 12 September 22
డ్యూటీ.. అంటే కొందరికి దైవంతో సమానం. ఎలాంటి కష్టపరిస్థితుల్లోనైనా తమ విధులను నిర్వహిస్తుంటారు. అలాంటివాళ్లలో ఈ డాక్టర్ ఒకరు.. ఈయన గురించి తెలుసుకుంటే ఎవరైనా సలాం కొట్టాల్సిందే. కర్నాటక సర్జన్ డాక్టర్ గోవింద్ నందకుమార్ అత్యవసరంగా ఓ రోగికి శస్త్రచికిత్స చేయాల్సి ఉంది. అయితే ఆయన ట్రాఫిక్ జామ్ను ఎదుర్కొని మణిపాల్ ఆసుపత్రికి చేరుకోవడానికి చేసిన కృషి అందరిచేత శభాష్ అనిపిస్తోంది. భారీ వర్షం, నీటి ఎద్దడి కారణంగా ఆయన కారు ట్రాఫిక్ జామ్లో చిక్కుకోవడంతో డాక్టర్ ఆసుపత్రికి చేరుకోవడానికి 15 నిమిషాలు పరుగెత్తాల్సి వచ్చింది.
అతను ఆసుపత్రి వైపు పరుగెత్తుతున్న వీడియో సోషల్ మీడియాలో వైరల్గా మారడంతో నెటిజన్ల ప్రశంసలు పొందారు. “తెల్లకోటు ధరించిన రక్షకుడు ఒక ఓ రోగిని రక్షించడానికి ట్రాఫిక్ను ఫేస్ చేశాడు” అని సుబోధ్ కుమార్ అనే వ్యక్తి ట్వీట్ చేశాడు. “బెంగళూరు డాక్టర్ గోవింద్ నందకుమార్ ట్రాఫిక్ జామ్లో చిక్కుకుపోయి, తన పేషెంట్కి సకాలంలో సర్జరీ చేసినందుకుగానూ గర్వపడుతున్నాను, కాబట్టి అతను తన కారును వదిలివేసి, సమయానికి కీలకమైన శస్త్రచికిత్స చేయడానికి 3 కిమీ పరిగెత్తాడు” అని ట్వీట్ చేశాడు. గ్యాస్ట్రోఎంటరాలజీ సర్జన్ డాక్టర్ గోవింద్ నందకుమార్ అత్యవసర లాపరోస్కోపిక్ శస్త్రచికిత్స కోసం బెంగళూరులోని సర్జాపూర్ రోడ్లోని మణిపాల్ ఆసుపత్రికి వెళ్తుండగా ఆగస్టు 30న ఈ ఘటన జరిగింది. “ట్రాఫిక్ సమయంలో, గూగుల్ మ్యాప్ ఆసుపత్రికి వెళ్లడానికి 45 నిమిషాలు చూపించింది.
సాధారణంగా ఆ మార్గం గుండా ఆసుపత్రికి చేరుకోవడానికి 5 నుంచి 10 నిమిషాల సమయం పడుతుంది. హెవీ ట్రాఫిక్ జాం కారణంగా కారులో వెళ్లలేని పరిస్థితి. ఆ సమయంలో, నేను రన్నింగ్ చేయాలని నిర్ణయించుకున్నాను. 15 నిమిషాల్లో 3 కిలోమీటర్లు పూర్తి పూర్తి చేసి ఆస్పత్రికి చేరుకున్నా’’ అని అన్నాడు డాక్టర్. అయితే తన కారు డ్రైవర్ ఆసుపత్రికి చేరుకోవడానికి రెండున్నర గంటల సమయం పట్టింది. నందకుమార్ గత 18 ఏళ్లలో 1,000కు పైగా శస్త్రచికిత్సలు చేశారు. నిర్ణీత సమయానికి ఆపరేషన్ థియేటర్కు చేరుకోవడానికి తాను పరిగెత్తడం ఇదే మొదటిసారి కాదని ఆయన చెప్పారు.
Saviour in white coat beats traffic to save a soul
Gastroenterology surgeon Dr Govind Nandakumar was en route to Manipal Hospital in #Bengaluru's Sarjapur for an an emergency laparoscopic gallbladder surgery.
Stuck in traffic, he ran 3 km to reach operation theatre on time. pic.twitter.com/nHqbITLc9C
— Subodh Kumar (@kumarsubodh_) September 12, 2022
Related News
Weight Loss Surgery: యువకుడి ప్రాణం తీసిన శస్త్రచికిత్స.. విచారణకు ఆదేశించిన మంత్రి
తమిళనాడు రాజధాని చెన్నైలో ఓ ఆశ్చర్యకరమైన ఘటన వెలుగులోకి వచ్చింది. బరువు తగ్గించే శస్త్రచికిత్సలో 26 ఏళ్ల యువకుడు ప్రాణాలు కోల్పోయాడు.