“కోబ్రా” మూవీ రివ్యూ : విక్రమ్ లేటెస్ట్ మూవీలో కొత్తదనం మిస్సయ్యిందా?

చియాన్ విక్రమ్ .. అంటే అదరగొట్టే యాక్టింగ్ కు కేరాఫ్.

చియాన్ విక్రమ్ .. అంటే కొత్త కొత్త మూవీ స్టోరీస్ కు చిరునామా.

చియాన్ విక్రమ్ .. మూవీ అంటేనే ఒక సెన్సేషన్.

చియాన్ విక్రమ్ లేటెస్ట్ సెన్సేషన్.. “కోబ్రా” మూవీ. ఇది ఈరోజే తెలుగు, తమిళ, కన్నడ భాషల్లో విడుదలైంది.అజయ్ జ్ఞానముత్తు దర్శకత్వంలో ఈ సినిమా రూపొందింది. ఈ సినిమాలో విక్రం 9 పాత్రలలో నటించడం విశేషం.

ఇక దాదాపుగా రివ్యూలు అన్ని గనుక చూస్తే పాజిటివ్ రివ్యూలే ఈ సినిమాకి కనిపిస్తున్నాయి. ముఖ్యంగా విక్రమ్ వేసిన కొన్ని గెటప్పులకు సంబంధించిన మేకప్ అద్భుతంగా కుదిరిందని, అయితే కొన్ని సీన్లు కత్తిరిస్తే బాగుండేదని కొంతమంది అంటున్నారు.కోబ్రా సినిమా ఒక మంచి థ్రిల్లర్ అని ఫస్ట్ ఆఫ్ చాలా బాగుందని ముఖ్యంగా ఇంటర్వెల్ బ్లాక్ బాగుందని చూసిన వాళ్ళు అంటున్నారు. మొత్తం మీద ఈ సినిమా స్టోరీ ఆసక్తికరంగానే ఉన్నప్పటికీ.. కొత్తదనం లోపించిందని పరిశీలకులు విశ్లేషిస్తున్నారు.

ఇక ఫస్ట్ ఆఫ్ ఎమోషనల్ రోలర్ కోస్టర్ అని ఏఆర్ రెహమాన్ అందించిన సంగీతం ఒక రేంజ్ లో ఉందని అంటున్నారు.

మూవీ స్టోరీలో..

అనగనగా ఒక నగరం. అందులో గణితశాస్త్ర ఉపాధ్యాయుడిగా హీరో విక్రమ్ (మధియాఝాగన్ అకా మాధి) పనిచేస్తూ ఉంటాడు. చాలా సాధారణమైన జీవితం సాగిస్తూ ఉంటాడు. కథ యొక్క మరొక వైపు.. ఆ నగరంలో నేరాలు పెచ్చుమీరుతాయి. కానీ పోలీసు శాఖకు ఒక్క ఆధారం కూడా దొరకదు. మ్యాథమేటీషియన్‌గా పనిచేసే విక్రమ్ కు సిటీలో జరుగుతున్న నేరాలకు సంబంధం ఏమిటి ? భావన ఎవరు ? పోలీస్ ఆఫీసర్ అస్లాన్ ఈ కేసును ఎలా డీల్ చేశాడు? ఈ ప్రశ్నలకు సమాధానం తెలియాలంటే సినిమా మొత్తం చూడాల్సిందే.

ఇంటర్వెల్ సన్నివేశం..

ఈ సినిమా కథ చాలా సింపుల్‌గా ఉంటుంది. నాన్ లీనియర్ స్క్రీన్‌ప్లేతో నేరేట్ చేయడంతో, కథలో తర్వాత ఏం జరగబోతుందో ఊహించుకుంటూనే ఉండేలా కోబ్రా మూవీ స్టోరీ ఆసక్తికరంగా ముందుకు సాగుతుంది. సినిమా మొదటి సగంలో కొన్ని క్షణాలు మనల్ని ఎంగేజ్ చేస్తాయి. ఇంటర్వెల్ సన్నివేశం ఆసక్తిని మరింత పెంచుతుంది. కానీ తరువాత సగం చిత్రం అది ట్రాక్‌ను కోల్పోయి మరింత ఊహించదగినదిగా మారుతుంది. సినిమా చివరి భాగంలో కొన్ని యాక్షన్ సీన్లు మెప్పిస్తాయి.
క్రికెటర్ ఇర్ఫాన్ పఠాన్ ఒక ముఖ్యమైన పాత్రలో కనిపించాడు మరియు అతను తన పాత్రను కొన్ని సన్నివేశాలలో లాగగలిగాడు, కానీ అతని అనుభవరాహిత్యం కొన్ని ఇతర సన్నివేశాలలో చూడవచ్చు. రోషన్ మాథ్యూ నెగిటివ్ రోల్‌లో తన నటనతో ఆకట్టుకుంటాడు. రోబో శంకర్ కొన్ని సన్నివేశాల్లో మనల్ని నవ్విస్తాడు. మృణాళిని రవి మరియు ఇతర నటీనటులు తమ పాత్రను అవసరమైనంత చక్కగా చేసారు.

కోబ్రా మూవీ నటీనటులు

కోబ్రా చిత్రంలో చియాన్ విక్రమ్ ప్రధాన పాత్రలో నటిస్తుండగా, శ్రీనిధి శెట్టి, ఇర్ఫాన్ పఠాన్, కె.ఎస్. రవికుమార్, రోషన్ మాథ్యూ, ఆనందరాజ్, రోబో శంకర్, మియా జార్జ్, మిర్నాళిని రవి, మీనాక్షి గోవింద్రాజన్ ఇతర ముఖ్య పాత్రలు పోషిస్తున్నారు. ఈ సినిమాకి దర్శకత్వం అజయ్ జ్ఞానముత్తు మరియు నిర్మాత ఎస్ ఎస్ లలిత్ కుమార్. ఈ చిత్రానికి సంగీతం A. R. రెహమాన్ అందించగా, సినిమాటోగ్రఫీ: హరీష్ కన్నన్. భువన్ శ్రీనివాసన్ ఎడిటర్.

* ప్లస్ పాయింట్లు:
చియాన్ విక్రమ్
సంగీతం, BGM
పోరాటాలు (ఫైట్స్)

* మైనస్ పాయింట్లు:
పాత కథ
కొన్ని ఊహించదగిన సన్నివేశాలు
VFX

సినిమా రేటింగ్: 2/5