Tower of London : ‘టవర్ ఆఫ్ లండన్’.. ‘కాకుల మాస్టర్’ కథ
Tower of London : ‘టవర్ ఆఫ్ లండన్’.. బ్రిటన్ రాజధాని లండన్ నగరంలోని థేమ్స్ నదీ తీరంలో ఉన్న కోట.
- By Pasha Published Date - 09:06 AM, Sat - 2 March 24
Tower of London : ‘టవర్ ఆఫ్ లండన్’.. బ్రిటన్ రాజధాని లండన్ నగరంలోని థేమ్స్ నదీ తీరంలో ఉన్న కోట. ఈ కోటకు దాదాపు వెయ్యేళ్ల చరిత్ర ఉంది. కింగ్ విలియం -1 ఇంగ్లాండును జయించిన తర్వాత 1066 సంవత్సరంలో ‘టవర్ ఆఫ్ లండన్’ కోటను నిర్మించారు. మొదట్లో రాజభవనంగా ఉన్న ఈ కోట.. ఆ తర్వాత జైలుగా మారింది. ఈ కోట సంరక్షణ బాధ్యతను కాకులు చూస్తాయని స్థానికులు నమ్ముతారు. కాకులు ఒకవేళ కోటను వీడి వెళ్లిపోతే.. ఈ టవర్తో పాటు ఇంగ్లాండ్ రాజ్యం కూలిపోతుందన్నది లండన్ ప్రజల నమ్మకం.
We’re now on WhatsApp. Click to Join
అందుకే 17వ శతాబ్దంలో పాలకుడిగా ఉన్న కింగ్ ఛార్లెస్ – 2 ‘టవర్ ఆఫ్ లండన్’(Tower of London) వద్ద ఎప్పుడూ ఆరు కాకులు ఉండేలా చూడాలని ఆదేశాలు జారీ చేశారు. గతేడాది కింగ్ ఛార్లెస్ – 3 పట్టాభిషేకం జరిగాక.. ‘టవర్ ఆఫ్ లండన్’ వద్ద ఉండాల్సిన కాకుల సంఖ్యను ఏడుకు పెంచారు. ఈ కాకులు ఎగిరిపోకుండా వాటి రెక్కలను ఎప్పటికప్పుడు అవసరం మేర కత్తిరిస్తుంటారు. నిత్యం వాటికి మాంసాహారం, ఉడికించిన గుడ్లు, బిస్కెట్లు అందిస్తారు. వెటర్నరీ పరీక్షలు కూడా చేయిస్తుంటారు. ఈ టవర్ వద్దనున్న కాకులు రోజంతా హాయిగా తింటూ తిరుగుతాయి. రాత్రివేళలో అవి పంజరాల్లోకి వెళ్లి నిద్రిస్తాయి. ఈ చారిత్రక టవర్ను చూసేందుకు ఏటా 30 లక్షల మంది టూరిస్టులు వస్తుంటారు.
Also Read : Womens Day : ‘అంతర్జాతీయ మహిళా దినోత్సవం’.. చరిత్ర, 2024 థీమ్ వివరాలివీ
ఇంతకీ ఇప్పుడు ‘టవర్ ఆఫ్ లండన్’ ప్రస్తావన ఎందుకు వచ్చిందో తెలుసా ? 56 ఏళ్ల రాయల్ మెరైన్ మాజీ సైనికుడు మైకేల్ బార్నీ షాండ్లర్ను ‘టవర్ ఆఫ్ లండన్’లో ‘కాకుల మాస్టర్’గా నియమించారు. ఆయన తన ఉద్యోగ బాధ్యతలను స్వీకరించారు. ‘టవర్ ఆఫ్ లండన్’లోని కాకులకు ఆయన సంరక్షకులుగా ఉంటారు. ఆ కాకులను కాపలా కాస్తూ వాటి యోగక్షేమాలను చూడటమే మైకేల్ ఉద్యోగ బాధ్యత. ఈయన కింద మరో నలుగురు సహాయక సిబ్బంది సైతం ఉంటారు.
Also Read : HGCC : ఇక ‘హైదరాబాద్ గ్రేటర్ సిటీ కార్పొరేషన్’.. ఎందుకు ?
Related News
Anant-Radhika Wedding: ముంబై టూ లండన్: అనంత్-రాధికల వివాహ సంబరాలు కంటిన్యూ
వ్యాపారవేత్త ముఖేష్ అంబానీ కుమారుడు అనంత్ అంబానీ,రాధిక మర్చంట్ల వివాహం కనీవినీ ఎరుగని రీతిలో జరిగింది. వారం రోజుల్లో అంబానీ ఫ్యామిలీ లండన్ వెళ్లే అవకాశం ఉందని చెబుతున్నారు. ప్రస్తుతం దీనికి సంబంధించి ఎలాంటి అధికారిక సమాచారం వెల్లడి కాలేదు