‎Winter: చలికాలంలో కాఫీలు, టీలు ఎక్కువగా తాగుతున్నారా.. అయితే జాగ్రత్త సుమీ!

Winter

‎Winter: వింటర్ మొదలైంది అంటే చాలు చలితో వణికి పోతూ ఉంటారు. ముఖ్యంగా ఉదయం సాయంకాలం సమయంలో చలి ఎక్కువగా వేస్తూ ఉంటుంది. కొన్ని కొన్నిసార్లు వాతావరణం చల్లగా ఉన్నప్పుడు పగలు సమయంలో కూడా చలి పెడుతూ ఉంటుంది. ఇలా వాతావరణం చల్లగా ఉన్నప్పుడు వేడివేడి పదార్థాలు తినడానికి ఇష్టపడుతూ ఉంటారు. అటువంటి వాటిలో కాఫీ,టీ లు కూడా ఒకటి. చల్లటి వాతావరణంలో వేడివేడి టీ లేదా కాఫీ తాగితే వచ్చి అనుభూతిని మాటల్లో చెప్పలేము.
‎
‎ ముఖ్యంగా శీతాకాలంలో చాలా మంది చలి నుంచి ఉపశమనం పొందడానికి, బద్దకం వదిలించుకోవడానికి లెక్కకు మించి కాఫీ, టీ తాగేస్తుంటారు. కానీ ఇలా చేయడం వల్ల అనేక ఆరోగ్య సమస్యలు తలెత్తుతాయని అంటున్నారు   నిపుణులు. ఆ సమయంలో ఆరోగ్యం పట్ల ప్రత్యేక శ్రద్ధ తీసుకోవడం చాలా ముఖ్యమట. శీతాకాలంలో ఎక్కువగా టీ, కాఫీ తాగే అలవాటు ఖచ్చితంగా ఆరోగ్యానికి హానికరం అని చెబుతున్నారు. చాలా మంది ఉదయం ఒక కప్పు కాఫీ లేదా టీతో ప్రారంభిస్తారు.
‎
‎ అయితే రోజు మొత్తంలో లెక్కకుమించి ఎక్కువగా టీ లేదా కాఫీ తాగితే ఎముకల సమస్యలను కలిగిస్తుందట. ముఖ్యంగా మోకాలి నొప్పులు వచ్చే ప్రమాదం ఎక్కువగా ఉంటుందని చెబుతున్నారు. ఇది మాత్రమే కాదు ఈ అలవాటు మీ ఆకలిని కూడా తగ్గిస్తుందట. ఆరోగ్యంగా ఉండటానికి శీతాకాలంలో కూడా వీలైనన్ని ఎక్కువ పండ్లు, ఆరోగ్యకరమైన ఆహారాలు తీసుకోవాలట. మీ రోజువారీ ఆహారంలో పండ్ల రసాలను చేర్చుకోవచ్చని చెబుతున్నారు. రోజుకు కనీసం రెండుసార్లు టీ లేదా కాఫీ తాగడం మంచిదట. అంతకంటే ఎక్కువ తాగడం డేంజర్‌ అని, బరువు తగ్గాలని ప్రయత్నిస్తున్న వారు టీ, కాఫీ తాగడం పూర్తిగా మానేయాలని చెబుతున్నారు..

Follow us