Beauty Tips: పుదీనా ఫేస్ ప్యాక్ తో మీ అందాన్ని రెట్టింపు చేసుకోవచ్చని మీకు తెలుసా?

Beauty Tips

పుదీనా వల్ల ఎన్నో రకాల ప్రయోజనాలు ఉన్నాయి అన్న విషయం మనందరికీ తెలిసిందే. పుదీనాను ఎన్నో రకాల వంటల్లో ఉపయోగిస్తూ ఉంటారు. అలాగే పుదీనాను ఉపయోగించి కొన్ని ప్రత్యేకమైన వంటలు కూడా తయారు చేస్తూ ఉంటారు. అయితే పుదీనా కేవలం ఆరోగ్యానికి మాత్రమే కాకుండా అందానికి కూడా ఎంతో బాగా ఉపయోగపడుతుంది అని చెబుతున్నారు. మరి మెరిసే చర్మం కోసం పుదీనాను ఎలా ఉపయోగించుకోవచ్చో ఇప్పుడు మనం తెలుసుకుందాం.. మినరల్స్, విటమిన్ సి పుష్కలంగా ఉండే పుదీనా ఫేస్ ప్యాక్ చర్మానికి యాంటీసెప్టిక్ అలాగే నేచురల్ గా పనిచేస్తుందట.

ఇది మొటిమలు కాలిన గాయాలు, మచ్చలు కి మంచి ఔషధంలా పని చేస్తుందట. వర్షాకాలంలో మొటిమలు సమస్య ఎక్కువగా ఉంటుంది. ఇది జిడ్డు చర్మంపై ఎక్కువగా కనిపిస్తూ ఉంటుందనీ చెబుతున్నారు. అలాంటి వారు పుదీనా ఆకులను మెత్తగా రుబ్బుకొని, ఒక స్పూన్ పుదీనా ఆకుల పేస్టులో ఒక స్పూన్ ముల్తానీ మట్టి కలిపి ఆ మిశ్రమాన్ని ముఖానికి పట్టించి 15 నిమిషాల పాటు అలాగే ఉంచచి,ఆరిన తర్వాత చల్లని నీటితో శుభ్రం చేయాలనీ చెబుతున్నారు. దీనివలన మొటిమల సమస్య నుంచి బయటపడవచ్చట. అలాగే గ్లోయింగ్ స్కిన్ కోసం పుదీనాతో చేసే మరొక ఫేస్ ప్యాక్ ఇది. అయితే ఇందుకోసం ఒక గిన్నె పాలలో రెండు టేబుల్ స్పూన్ల ఓట్స్,అర టేబుల్ స్పూన్ పుదీనా ఆకుల చూర్ణం, అలాగే రెండు మూడు స్పూన్ల దోసకాయ రసం కలపాలి.

ఈ మిశ్రమాన్ని బాగా కలిపి ముఖానికి బాగా అప్లై చేసి మసాజ్ చేయాలి. కాసేపు ఆగిన తర్వాత ముఖాన్ని చల్లని నీటితో శుభ్రం చేసుకోవాలి. ఇది చర్మానికి మంచి రంగుని, అలాగే తక్షణ తాజా దనాన్ని తీసుకువస్తుందట. అలాగే ఎక్కువగా ఎండలో తిరిగినప్పుడు మొఖం కమలిపోయినట్టుగా కనిపిస్తుంది. దీనిని సన్ బర్న్ అంటారు. దీనిని నుంచే తక్షణమే ఉపశమనం పొందాలంటే కొన్ని పుదీనా ఆకులని తీసుకొని వాటిని చూర్ణం చేయాలి. ఈ చూర్ణానికి కలబందని జోడించాలట. ఈ మిశ్రమాన్ని బాగా కలిపి ఫేస్ ప్యాక్ వేసుకున్నట్లయితే వడదెబ్బ నుంచి వెంటనే రిలాక్స్ అవుతారనీ, అలాగే ముఖం డిహైడ్రేట్ అయినట్లుగా అనిపిస్తే కొన్ని పుదీనా ఆకులలో కొన్ని చుక్కల రోజు వాటర్ కలిపి చూర్ణం చేసుకుని, ఆ మిశ్రమాన్ని మీ ముఖానికి అప్లై చేసి 15 నిమిషాల పాటు అలాగే ఉంచాలి. తరువాత చల్లని నీటితో కడిగేయాలి. దీనివలన మొహం డిహైడ్రేషన్ నుంచి తప్పించుకోవడమే కాకుండా అనేక ఇన్ఫెక్షన్లను ఎదుర్కోవటానికి కూడా సిద్ధంగా ఉంటుందనీ చెబుతున్నారు..

Follow us