Vegetable Kofta: ఎంతో టేస్టీగా ఉండే వెజిటబుల్ కోఫ్తా.. సింపుల్ గా ట్రై చేయండిలా?

మామూలుగా మనం వెజిటేబుల్స్ తో వెజిటేబుల్ బిర్యాని, వెజిటేబుల్ సూప్, వెజిటేబుల్ పులావ్ అంటూ రకరకాల రెసిపీలను తినే ఉంటాం. అయితే ఎప్పుడైనా కూడా వెజిటేబుల్ కోఫ్తా తిన్నారా. ఒకవేళ తినకపోతే ఈ రెసిపీని ఇంట్లోనే సింపుల్ గా ఎలా చేసుకోవాలో ఇప్పుడు మనం తెలుసుకుందాం.. అలాగే ఈ రెసిపీ కోసం కావలసిన పదార్థాలు ఏవి? తయారీ విధానం ఎలాగో ఇప్పుడు మనం తెలుసుకుందాం..

వెజిటబుల్ కోఫ్తాకీ కావలసిన పదార్థాలు:

కంద – 1/4 కిలో
క్యాబేజీ – 1/4 కిలో
బంగాళదుంప – 100 గ్రా
అరటికాయలు – 2
ధనియాలు – 1 స్పూన్
అల్లం , వెల్లుల్లి ముద్ద – 4 స్పూన్
కారం – తగినంత
ఉప్పు – తగినంత
పసుపు – 1 స్పూన్
గసగసాలు – 1 స్పూన్
కొబ్బరి – చిన్నముక్కలు
లవంగాలు – 2 1/2 గ్రా
ఉల్లిపాయలు – 4
నూనె – తగినంత
పచ్చిమిర్చి – తగినంత

వెజిటబుల్ కోఫ్తా తయారీ విధానం :

ముందుగా కంద, బంగాళదుంప, అరటికాయ చెక్కుతీసి, క్యాబేజీ, అన్ని కలిపి ముక్కలుగా తరిగి ఉప్పు, పసుపు వేసి ఉడికించాలి.తర్వాత ధనియాలు, లవంగాలు, దాల్చినచెక్క ముద్ద నూరాలి. ఆపై ఉడికించిన విజిటబుల్స్, అల్లం, వెల్లుల్లి ముద్ద నూరిన మసాలా ముద్ద, కారం వేసి తగినంత ఉప్పువేసి మెత్తగా చిన్న ఉండలుగా చేసి వేయించాలి. గసగసాలు, కొబ్బరి ముద్ద నూరాలి. ఉల్లిపాయలు, పచ్చిమిర్చి ముక్కలు చేయాలి. బాణలిలో తగినంత నూనె వేసి మరిగాక ఉల్లిపాయలు, పచ్చిమిర్చి ముక్కలు వేయించి గసగసాలు, కొబ్బరి ముద్ద వేసి నీరు పోసి ఉడికించి దగ్గరపడే ముందు వేయించిన కోఫ్తాలను వేసి ఉండలు చితికిపోకుండా కలియబెట్టాలి. ఆ తర్వాత కొద్దిగా కొత్తిమీర, నిమ్మరసం వేసి సర్వ్ చేసుకుంటే ఎంతో టేస్టీగా ఉండే వెజిటేబుల్ కోఫ్తా రెడీ.